ស្នងការដ្ឋាននគរបាលខេត្តកណ្តាលបំភ្លឺថា វីដេអូជេរល្បែង ST88 មិនកើតក្នុងស្រុកស្អាងទេ

(កណ្តាល)៖ ស្នងការដ្ឋាននគរបាលខេត្តកណ្តាលបានចេញបំភ្លឺថា ករណីវីដេអូឡាយជេរមេល្បែង (ST88) ដែលកំពុងចែករំលែកលើបណ្តាញសង្គម មិនមែនកើតឡើងក្នុងភូមិសាស្ត្រស្រុកស្អាងឡើយ។ នេះបើតាមសេចក្ដីបំភ្លឺរបស់ស្នងការដ្ឋាននគរបាលខេត្តកណ្ដាលដែលអង្គភាព The Mirror News ទទួលបាននៅថ្ងៃទី២១ ខែមីនា ឆ្នាំ២០២៦នេះ។

ប្រភពបន្ដថា ក្រោយការស្រាវជ្រាវ សមត្ថកិច្ចបានរកឃើញថា ស្ត្រីដែលឡាយវីដេអូធ្វើឡើងដោយសារខឹងរឿងប្តីត្រូវជួលធ្វើការប៉ុន្តែមិនបានប្រាក់ខែ ហើយករណីនេះកើតនៅទីតាំងផ្សេង មិនពាក់ព័ន្ធក្នុងខេត្តកណ្តាលទេ។

ទាក់ទិនករណីនេះ សមត្ថកិច្ចបានអប់រំណែនាំ និងអំពាវនាវឱ្យប្រជាពលរដ្ឋប្រុងប្រយ័ត្ន កុំចែករំលែកព័ត៌មានមិនទាន់បានផ្ទៀងផ្ទាត់៕