ក្រូចថ្លុងកោះទ្រង់ ផលិតផល GI ល្បីឈ្មោះរបស់កម្ពុជា អញ្ជើញភ្ញៀវមកភ្លក្សរសជាតិដល់ដីកោះខេត្តក្រចេះ

(ក្រចេះ)៖ ឯកឧត្តម នេត្រ ភក្ត្រា បានគូសបញ្ជាក់ថា ក្រូចថ្លុងកោះទ្រង់ ត្រូវបានគេចាត់ទុកថា ជាផលិតផលកសិកម្មដ៏ល្បីមួយរបស់កម្ពុជា ដែលទទួលបានការទទួលស្គាល់ជាផលិតផលសម្គាល់ភូមិសាស្ត្រ (GI)។

ការបញ្ជាក់របស់ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ ក្នុងពិធីសម្ពោធសមិទ្ធិផលនានានៅលើទឹកដីកោះទ្រុង ខេត្តក្រចេះ នារសៀលថ្ងៃទី១៥ ខែមីនា ឆ្នាំ២០២៦។

ឯកឧត្តមរដ្ឋមន្រ្តីបានបន្តថា ផលិតផលនេះ ស្ថិតក្នុងចំណោមផលិតផល GI សំខាន់ៗរបស់ករដ្ឋមន្រ្តីម្ពុជា ដូចជា ម្រេចកំពត ស្ករត្នោតកំពង់ស្ពឺ ទឹកឃ្មុំព្រៃមណ្ឌលគិរី អង្ករក្រអូបព្រះវិហារ ប្រហុកសៀមរាប និងផលិតផលដទៃទៀត។

បច្ចុប្បន្ន សង្កាត់កោះទ្រង់ មានផ្ទៃដីសរុបប្រមាណ២៣៣ហិកតា ដែលក្នុងនោះ ប្រជាពលរដ្ឋបានដាំដើមក្រូចថ្លុងប្រមាណ ៩,០០០ ដើម ហើយក្នុងចំណោមនោះ មានប្រហែល ៦,០០០ ដើម កំពុងផ្តល់ផល។ ក្រូចថ្លុងកោះទ្រង់ មានរសជាតិផ្អែមឆ្ងាញ់ សាច់ក្រៀមក្រអូប និងជាផលិតផលកសិកម្មដែលជួយលើកស្ទួយជីវភាពប្រជាពលរដ្ឋក្នុងតំបន់។នេះជាថ្លែងបន្ថែមរបស់ឯកឧត្តម នេត្រ ភក្ត្រា។

នាឱកាសនោះ ឯកឧត្តមរដ្ឋមន្ត្រីបានអំពាវនាវដល់ប្រជាពលរដ្ខឲ្យអញ្ជើញមកដើរកម្សាន្តខេត្តក្រចេះ ដើម្បីទទួលបានបទពិសោធន៍ថ្មី និងគាំទ្រផលិតផលកសិកម្មក្នុងស្រុក និងបានភ្លក្សរសជាតិដ៏ឆ្ងាញ់នៃ ក្រូចថ្លុងកោះទ្រង់ និងទស្សនាទេសភាពធម្មជាតិស្រស់ស្អាតទៀតផង៕