អំណោយមនុស្សធម៌! ប្រជាពលរដ្ឋភៀសសឹក ១,០០០គ្រួសារ នៅបន្ទាយមានជ័យ ទទួលការឧបត្ថម្ភពីសម្តេច ហោ ណាំហុង

(បន្ទាយមានជ័យ)៖ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី និងអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ រួមជាមួយ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ នាព្រឹកថ្ងៃទី១៥ ខែមីនា ឆ្នាំ២០២៦នេះ បានអញ្ជើញជាអធិបតីក្នុងពិធីចែកអំណោយមនុស្សធម៌របស់សម្តេចឥស្សរវិទេសបញ្ញា ហោ ណាំហុង ជូនប្រជាពលរដ្ឋភៀសសឹកចំនួន ១,០០០គ្រួសារ នៅមណ្ឌលសុវត្ថិភាពវត្តចាន់ស៊ី។

ក្នុងឱកាសនោះ ឯកឧត្តម គន់ គីម បានថ្លែងអំណរគុណយ៉ាងជ្រាលជ្រៅចំពោះសម្តេច ហោ ណាំហុង ដែលតែងតែយកចិត្តទុកដាក់ និងផ្តល់អំណោយដល់ប្រជាពលរដ្ឋភៀសសឹក ដើម្បីជួយសម្រាលការលំបាកក្នុងជីវភាពប្រចាំថ្ងៃ៕