ស្នងការនគរបាលខេត្តបន្ទាយមានជ័យជួបសំណេះសំណាលនិស្សិតបញ្ចប់ការសិក្សា១២នាក់

(បន្ទាយមានជ័យ)៖ នៅសាលប្រជុំ (ខ) នៃស្នងការដ្ឋាននគរបាលខេត្តបន្ទាយមានជ័យ កាលពីថ្ងៃទី១៣ ខែមីនា ឆ្នាំ២០២៦ លោកឧត្តមសេនីយ៍ត្រី សឿម សារិទ្ធ ស្នងការនគរបាលខេត្តបានជួបសំណេះសំណាលជាមួយនិស្សិត១២នាក់ ដែលទើបបញ្ចប់ការសិក្សាថ្នាក់បរិញ្ញាបត្រពីបណ្ឌិត្យសភានគរបាលជាតិកម្ពុជា។

ក្នុងជំនួបនេះ លោកស្នងការបានកោតសរសើរចំពោះការខិតខំសិក្សារបស់និស្សិតទាំងអស់ និងបានណែនាំឱ្យមន្ត្រីជំនាញរៀបចំបែងចែកតួនាទីភារកិច្ចឱ្យសមស្របតាមជំនាញដែលបានសិក្សា។

ជាមួយគ្នានេះ លោកក៏បានផ្តាំផ្ញើឱ្យបំពេញការងារដោយស្មោះត្រង់ គោរពវិន័យ និងអនុវត្តតាមបទបញ្ជារបស់កងកម្លាំងនគរបាលជាតិឱ្យបានល្អ៕