ជំរុញការទប់ស្កាត់ផលិតផលក្លែងក្លាយ! ក្រសួងព័ត៌មានជួបពិភាក្សាជាមួយ គ.ប.ផ.ក.

(ភ្នំពេញ)៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មានបានអញ្ជើញជួបពិភាក្សាការងារជាមួយថ្នាក់ដឹកនាំ នៃគណៈកម្មការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់ និងមានហានិភ័យខ្ពស់ដល់សុខភាព និងសុវត្ថិភាពសង្គម ដឹកនាំដោយ ឯកឧត្តម នៅ លក្ខណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មការ (គ.ប.ផ.ក.)។

ជំនួបនេះបានប្រព្រឹត្តទៅនៅរសៀលថ្ងៃទី១៣ ខែមីនា ឆ្នាំ២០២៦ នៅទីស្តីការក្រសួងព័ត៌មាន ក្នុងគោលបំណងពង្រឹងកិច្ចសហការរវាងស្ថាប័នទាំងពីរ លើការផ្សព្វផ្សាយ និងការចូលរួមទប់ស្កាត់ការផលិត និងចែកចាយផលិតផលក្លែងក្លាយ ដែលអាចបង្កហានិភ័យខ្ពស់ដល់សុខភាពប្រជាពលរដ្ឋ និងប៉ះពាល់ដល់សុវត្ថិភាពសង្គម៕