ឧបនាយករដ្ឋមន្រ្តី ស៊ុន ចាន់ថុល៖ ជប៉ុន ចង់បង្កើតរោងចក្រផលិតគ្រឿងបង្គុំរថយន្តនៅកម្ពុជា សម្រាប់នាំចេញទៅក្រៅប្រទេស

(ភ្នំពេញ)៖  «ថ្មីៗនេះ វិនិយោគិនជប៉ុន បានបង្ហាញបំណង ចង់បង្កើតរោងចក្រផលិតគ្រឿងបង្គុំរថយន្ត ប្រើប្រាស់ប្រេងឥន្ធនៈ នៅកម្ពុជា សម្រាប់ការនាំចេញទៅទីផ្សារបរទេស ស្របតាមបំណងរបស់រាជរដ្ឋាភិបាលកម្ពុជា ចង់បាន និងគាំទ្រ១០០%»។ នេះជាការបង្ហើបឱ្យដឹងពីឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានបង្ហើបឱ្យដឹងនៅក្នុងបទសម្ភាសន៍ជាមួយអ្នកសារព័ត៌មាន ក្នុងឱកាសចូលរួមកិច្ចប្រជុំកំពូលធុរកិច្ចអាស៊ាន-កម្ពុជា ឆ្នាំ២០២៦។

ឯកឧត្តមឧបនាយករដ្ឋមន្រ្តី ស៊ុន ចាន់ថុល បានបន្តថា វិនិយោគជប៉ុន ចង់ដាក់រោងចក្រ ដើម្បីបង្កើតគ្រឿងបង្គំរថយន្ត ប្រើប្រាស់ប្រេងឥន្ធនៈ មកដាក់នៅកម្ពុជា សម្រាប់ជាកន្លែងផលិត និងលក់ចែកចាយទៅកាន់ទីផ្សារពិភពលោក។

ឯកឧត្តមឧបនាយករដ្ឋមន្រ្តីក៏បានបង្ហាញនូវការគាំទ្រទាំងស្រុងចំពោះបំណងនេះ ហើយលើកទឹកចិត្តឱ្យវិនិយោគិនជប៉ុន ជួបជជែកជាមួយ ក្រុមប្រឹក្សាអភិវឌ្ឍន៍កម្ពុជា (CDC) ដើម្បីទទួលបានការលើកទឹកចិត្តជាច្រើន៕ ប្រភព៖ក្រសួងព័ត៌មាន