ក្រុមPMរាជធានីភ្នំពេញចាប់ខ្លួនជនសង្ស័យម្នាក់ ពាក់ព័ន្ធការចែកចាយបារីអេឡិចត្រូនិច!

(ភ្នំពេញ)៖ ជនសង្ស័យម្នាក់ត្រូវបានកម្លាំងកងរាជអាវុធហត្ថរាជធានីភ្នំពេញ សហការជាមួយកម្លាំងមូលដ្ឋានកងរាជអាវុធហត្ថខណ្ឌទួលគោកចាប់ឃាត់ខ្លួនពាក់ព័ន្ធការលួចលក់ឧបករណ៍អេឡិចត្រូនិក សម្រាប់ជក់សារធាតុគីមី (បារីអេឡិចត្រូនិច) នៅចំណុចផ្លូវលេខ១២៨ សង្កាត់ទឹកល្អក់១ ខណ្ឌទួលគោក។

ការឃាត់ខ្លួននេះបានធ្វើឡើងនៅថ្ងៃទី៣ ខែមីនា ឆ្នាំ២០២៦។ សមត្ថកិច្ចក៏បានបន្តទៅឆែកនៅបន្ទប់ដែលជនសង្ស័យស្នាក់នៅចំណុច ផ្ទះលេខ៣៥ ផ្លូវ១៥០កែង២២១ សង្កាត់ផ្សារដេប៉ូ ខណ្ឌទួលគោក រាជធានីភ្នំពេញ។នេះជាការបញ្ជាក់របស់សមត្ថកិច្ចជំនាញ។

កម្លាំងកងរាជអាវុធហត្ថបានចាប់យកវត្ថុតាងបារីអេឡិចត្រូនិចចំនួន៩១ប្រអប់ និងនាំយកមកអង្គភាព ដើម្បីចាត់ការតាមនីតិវិធីច្បាប់៕