ក្រុមប៉ូលិសខណ្ឌដូនពេញចាប់បានចោរប្លន់ម្នាក់ ក្នុងចំណោមបក្ខពួក២នាក់ វាយប្លន់យកទូរស័ព្ទដៃពីជនរងគ្រោះ នៅសង្កាត់ស្រះចក

(ភ្នំពេញ)៖ កម្លាំងប៉ុស្តិ៍នគរបាលរដ្ឋបាលស្រះចក សហការជាមួយ កម្លាំងជំនាញនៃអធិការដ្ឋាននគរបាលខណ្ឌដូនពេញ បានស្រាវជ្រាវបង្រ្កាបជនសង្ស័យចំនួន១នាក់ ក្នុងចំណោមបក្ខពួក២នាក់បានយកដុំថ្មវាយជនរងគ្រោះបណ្តាលឲ្យបែកក្បាលរួចយកទូរស័ព្ទ​ ផ្តេីមចេញពីទំនាស់ពាក្យសម្តី​ កាលពីវេលាម៉ោង៣៖៤០នាទីយប់ទៀបភ្លឺ ថ្ងៃទី០១ ខែមីនា ឆ្នាំ២០២៦ នៅចំណុចផ្លូវជាតិលេខ៥ ខាងជើងស្ពានជ្រោយចង្វារ ភូមិ១៦ សង្កាត់ស្រះចក​ ខណ្ឌដូនពេញ ។

ហេតុការណ៍នេះបង្កឡេីង ដោយជនសង្ស័យចំនួន២នាក់​ មានទំនាស់ពាក្យសម្តីគ្នា​ រហូតបង្កជាអំពេីហឹង្សា ​លេីជនរងគ្រោះឈ្មោះ សួន ស៊ីម ភេទប្រុស អាយុ៣១ឆ្នាំ ជនជាតិខ្មែរស្នាក់នៅ សង្កាត់ទួលសង្កែ១ ខណ្ឌឬស្សីកែវ​ បន្ទាប់ពីធ្វេីសកម្មភាពរួចក៏បានយកទូរស័ព្ទជនរងគ្រោះទៅបាត់ថែមទៀតផង​ ។

ក្រោយពីទទួលពត៌មាននេៈភ្លាម សមត្ថកិច្ចបានចុះដល់កន្លែងកើតហេតុ បញ្ជូនជនរងគ្រោះទៅមន្ទីរពេទ្យ ដើម្បីសង្រ្គោៈ និងបន្តដាក់ចេញវិធានការណ៍ស្រាវជ្រាវ រហូតដល់វេលាម៉ោង ៩៖០០នាទីព្រឹក ថ្ងៃដដែរ ​ក៏កំណត់បានអត្តសញ្ញាណជនសង្ស័យ ​និងធ្វេីការបង្ក្រាបឃាត់ខ្លួន បានចំនួន១នាក់​ ឈ្មោះ ពៅ ដារ៉ា អាយុ ៣៨ឆ្នាំ គ្មានមុខរបរប និងស្នាក់នៅមិនពិតប្រាកដ នាំមកប៉ុស្តិ៍នគរបាលរដ្ឋបាលស្រះចក​ ដើម្បីសាកសួរ និងចាត់ការតាមនីតិវិធី។

សមត្ថកិច្ចកំពុងបន្តធ្វេីការស្រាវជ្រាវ ស្វែងរកបក្ខពួកម្នាក់ទៀត ដែលកំពុងគេចខ្លួន ដើម្បីនាំយកមកចាត់ការតាមច្បាប់បន្ត៕