ឧបនាយករដ្ឋមន្រ្តី ហង់ជួន ណារ៉ុន សម្រេចផ្លាស់លោក ឆាយ ទ្រី នាយកវិទ្យាល័យ ជា ស៊ីម តាកែវ ដោយបង្ខំ ពាក់ព័ន្ធកំហុសឆ្គងលើការគ្រប់គ្រងថវិកាសាលា

(តាកែវ)៖ លោកឧបនាយករដ្ឋមន្រ្តី ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាបានសម្រេចផ្លាស់លោក ទ្រី ឆាយ នាយកវិទ្យាល័យ ជា ស៊ីម តាកែវ ដោយបង្ខំឱ្យទៅបម្រើការងារនៅអង្គភាពក្រោម ឱវាទមន្ទីរអប់រំ យុវជន និងកីឡាខេត្តតាកែវពាក់ព័ន្ធកំហុសឆ្គងលើការគ្រប់គ្រងថវិកាសាលា។ នេះបើតាមសេចក្ដីសម្រេចរបស់លោកឧបនាយករដ្ឋមន្រ្តី ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាដែលអង្គភា The Mirror News ទទួលបាននៅព្រឹកថ្ងៃទី២៧ ខែកុម្ភៈ ឆ្នាំ២០២៦នេះ។

ប្រភពបានបន្តថា ករណីលោក ទ្រី ឆាយ នាយកវិទ្យាល័យ ជា ស៊ីម តាកែវ នៃមន្ទីរអប់រំ យុវជន និងកីឡាខេត្តតាកែវ ត្រូវបានក្រុមការងារក្រសួងអប់រំ យុវជន និងកីឡា ចុះធ្វើអធិការកិច្ចនៅថ្ងៃទី១៩ ខែមករា ឆ្នាំ២០២៦ ដោយផ្អែកតាមលទ្ធផលឃើញថា លោក ទ្រី ឆាយ នាយកវិទ្យាល័យ ជា ស៊ីម តាកែវ មានកំហុសឆ្គងលើការគ្រប់គ្រងថវិកាសាលា។

ប្រភពបានសង្កត់ធ្ងន់ថា ចំពោះករណីខាងលើនេះ ក្រសួងអប់រំ យុវជន និងកីឡា សម្រេច៖ *១. ផ្លាស់ដោយបង្ខំ លោក ទ្រី ឆាយ នាយកវិទ្យាល័យ ជា ស៊ីម តាកែវ ឱ្យទៅបម្រើការងារនៅអង្គភាពក្រោម ឱវាទមន្ទីរអប់រំ យុវជន និងកីឡាខេត្តតាកែវ។ *២. បង្កើតគណៈកម្មការគ្រប់គ្រងបណ្តោះអាសន្នវិទ្យាល័យ ជា ស៊ីម តាកែវ ដែលដឹកនាំដោយថ្នាក់ដឹកនាំ មន្ទីរអប់រំ យុវជន និងកីឡាខេត្តតាកែវ ដើម្បីធានានិរន្តរភាព និងប្រសិទ្ធភាពការងារ រហូតដល់មានការ ជ្រើសរើសនាយក ឬនាយិកាថ្មី។ *៣. លោក ទ្រី ឆាយ និងអ្នកពាក់ព័ន្ធ ត្រូវបង្វែរសាច់ប្រាក់ចំនួន ៣៤,១១២,៦០០រៀលចូលថវិកាសាលាវិញ៕

ប្រាស់ថវិការរបស់សាលា៕