ក្រុមប៉ូលិសក្រុងប៉ោយប៉ែតឃាត់ខ្លួនមនុស្ស៨នាក់ ពាក់ព័ន្ធការបង្ហោះសកម្មភាពជក់បារីអេឡិចត្រូនិចនៅលើបណ្តាញសង្គមហ្វេសប៊ុក នៅចំណុចទី តាំងហាងសាក់យីហោ Para Ti

(បន្ទាយមានជ័យ)៖ បន្ទាប់ពីមានគណនីហ្វេសប៊ុកឈ្មោះ «ដំណឹងក្តៅៗ ថ្ងៃនេះ » បានចុះផ្សាយដែលមានខ្លឹមសារថា «យោងតាមគណនេយ្យហ្វេសប៊ុកឈ្មោះ Para Ti បានបង្ហោះនូវវីដេអូប្រមាណជា៣០វិនាទី និងបានដាក់ខេបសិនថា “ជក់បារីពុល” ហើយនិងមានអ្នកខមិនមួយបានសួរថា បងមានអាទឹកខ្លាំងៗអត់?ចង់បានមួយដើម” រួចឈ្មោះ Para Ti បានខមិនតបថា “មានបងឆាតមក” សូមសំណូមពរដល់បងស្នងការដ្ឋាននគរបាលខេត្តបន្ទាយមានជ័យ សូមជួយមានវិធានការផង ដើម្បីកុំឲ្យជម្ងឺមហារីកមួយនេះវារីករាល ដាលកាន់តែធំឡើងៗ ម្យ៉ាងវិញទៀតវាប៉ះពាល់ដល់សង្គមជាតិទៀតផង»។

អធិការដ្ឋាននគរបាលក្រុងប៉ោយប៉ែតបំភ្លឺថា នៅថ្ងៃទី១៣ ខែកុម្ភៈ ឆ្នាំ២០២៦ វេលាម៉ោង០៨និង៣២នាទី កម្លាំងជំនាញ និងកម្លាំងប៉ុស្តិ៍នគរបាលរដ្ឋបាលប៉ោយប៉ែត នៃអធិការដ្ឋាននគរបាលក្រុងប៉ោយប៉ែតបានចុះទៅស្រាវជ្រាវ និងឃាត់ខ្លួនបានមនុស្សចំនួន០៨នាក់ ស្រី០២នាក់ គឺមាន០៤នាក់ នៅក្នុងក្លឹបវីដេអូ ដែលបានបង្ហោះសកម្មភាពជក់បារីអេឡិចត្រូនិចនៅលើបណ្តាញសង្គមហ្វេសប៊ុក នៅចំណុចទី តាំងហាងសាក់យីហោ Para Ti ស្ថិតក្នុងបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។

អធិការដ្ឋាននគរបាលក្រុងប៉ោយប៉ែតបានថ្លែងអំណរគុណ ដល់សាធារណជូន អ្នកលេងបណ្តាញសង្គម ពិសេសអ្នកសារព័ត៌មាន ដែលតែងតែសហការផ្តល់ព័ត៌មានល្អៗដល់អង្គភាពដើម្បីមានមូលដ្ឋានចុះ ស្រាវជ្រាវ និងឈានទៅដល់ការបង្ការ បង្ក្រាប ទប់ស្កាត់ បទល្មើសគ្រប់ប្រភេទ ឱ្យកាន់តែមានប្រសិទ្ធិភាព។

អធិការដ្ឋាននគរបាលក្រុងប៉ោយប៉ែតបានបញ្ជាក់ថា បច្ចុប្បន្នមនុស្សទាំង៨នាក់ ដែលសមត្ថកិច្ចធ្វើការឃាត់ខ្លួន ត្រូវបានចាត់ការតាមនីតិវិធី៕