ក្រុមប៉ូលិសកំពង់ស្ពឺក្របួចបានក្រុមក្មេងទំនើងបង្ហោះម៉ូតូនៅតាមផ្លូវសាធារណៈបាន៥នាក់ នៅ៥នាក់ទៀតកំពុងរត់គេចខ្លួន!
(កំពង់ស្ពឺ)៖ ក្រោយបែកធ្លាយវីដេអូតាមបណ្ដាញសង្គមហ្វេសប៊ុក ការបង្អួតអំពីសកម្មភាពក្រុមក្មេងទំនេីងដែលបង្ហោះម៉ូតូតាមផ្លូវជាតិលេខ៤១ ក្នុងទឹកដីស្រុកគងពិសី កម្លាំងអធិការដ្ឋាននគរបាលស្រុកគងពិសីសហការជាមួយអធិការដ្ឋាននគរបាលស្រុកបសេដ្ឋធ្វេីការស្រាវជ្រាវឈានទៅឃាត់ខ្លួនមនុស្សចំនួន៥នាក់ ចំណោមបក្ខពួក១០នាក់ (៥នាក់គេចខ្លួន និងម្នាក់ព្យួរសេរ៉ូម)៖ *១.ឈ្មោះ ហូ ម៉េងហុង ភេទប្រុស អាយុ១៧ឆ្នាំ នៅភូមិបឹងស្តុក ស្រុកបសេដ្ឋ (អ្នកថតរូប) ឃាត់ខ្លួន។ *២. ឈ្មោះ ស៊ីម វេហា ភេទប្រុស អាយុ១៦ឆ្នាំ នៅភូមិចាស់ ឃុំបសេដ្ឋ ស្រុកបរសេដ្ឋ ឃាត់ខ្លួន។ *៣. ឈ្មោះ ហ៊ន សុខហាត ភេទ អាយុ១៨ឆ្នាំ នៅភូមិព្រៃគោកត្រប់ ឃុំបរសេដ្ឋ ឃាត់ខ្លួន។ *៤. ឈ្មោះ លីម ស័ក្ករាជ្យ ភេទប្រុស អាយុ១៧ឆ្នាំ នៅភូមិសាឡាំ ឃុំពោធិ៍ម្រាល ស្រុកបសេដ្ឋ ឃាត់ខ្លួន។*៥. ឈ្មោះ អ៊ុល ដារ៉ាប់ ភេទប្រុស អាយុ១៧ឆ្នាំ នៅភូមិគូកត្រប់ ស្រុកបរសេដ្ឋ (កំពុងព្យាបាលជម្ងឺ គ្រុនឈាម)។
បក្ខពួកផ្សេងទៀតសមត្ថកិច្ចកំណត់មុខសញ្ញាបានអស់ហេីយ ក្នុងមុខសញ្ញាទាំង៥នាក់មានម្នាក់ជាក្រុមក្មេងទំនេីងដែលធ្លាប់បានសមត្ថកិច្ចនគរបាលស្រុកបសេដ្ឋធ្វេីការឃាត់ខ្លួននិងកោសក់ ដកហូតម៉ូតូរក្សាទុករយៈពេល៩០ថៃ្ង និងហៅអាណាព្យាបាលមកធានាយកទៅគ្រប់គ្រងបន្ដ តែធាតុពិតក្រោយបានម៉ូតូយកទៅវិញនៅតែបន្ដធ្វេីសកម្មភាពនាំគ្នីគ្នាបក្ខពួកបង្កេីតព្រឹត្ដការណ៍លេីសមុន និងជាអ្នកបង្ហោះនិងថតរូបបង្ហោះចែកចាយតាម tik tok និងបណ្ដាញសង្គមផ្សេងទៀត។
បច្ចុប្បន្នក្រុមក្មេងទំនេីង៤នាក់ចំណោមទ៥នាក់ រួមជាមធ្យោបាយធ្វេីសកម្មភាពម៉ូតូ២គ្រឿង កំលាំងអធិការដ្ឋាននគរបាលស្រុកគងពិសី បានកសាងសំណុំរឿងបញ្ជូនទៅការិយាល័យព្រហ្មទណ្ឌ ចាត់ការបន្ដ៕
