កម្លាំងPMខេត្តព្រះសីហនុឃាត់ខ្លួនជនសង្ស័យជាជនជាតិចិន៣នាក់ និងដកហូតថ្នាំញៀនក្បែរ១៥០គីឡូ

(ព្រះសីហនុ)៖ នៅថ្ងៃទី២៤ ខែមករា ឆ្នាំ២០២៦ បានចាត់តាំងលោកវរសេនីយ៍ត្រី ឡុង គីមហួរ នាយការិយាល័យអាវុធហត្ថទទួលផែនការងារប្រឆាំងគ្រឿងញៀនខេត្តព្រះសីហនុ និងកម្លាំងមានសមត្ថកិច្ចពាក់ព័ន្ធបានស្រាវជ្រាវតាមនីតិវិធី និងចុះឆែកឆេរនៅចំណុចលើភ្នំលីងហាវ ភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ។

កងកម្លាំងអាវុធហត្ថ បានឃាត់ខ្លួនជនសង្ស័យជាជនជាតិចិនសរុបចំនួន ៣នាក់ (ស្រី ១នាក់) វិជ្ជមានសារធាតុញៀន និងបានដកហូតវត្ថុតាងរួមមាន៖១៖ ប្រភេទហេរ៉ូអ៉ិន (Heroine) ទម្ងន់សុទ្ធ ២៣៩.៥ ក្រាម ២៖ ប្រភេទកេតាមីន (KET) ទម្ងន់សុទ្ធ ៦គីឡូ ៤៧០.៧ ក្រាម ៣៖ ប្រភេទមេតំហ្វេតាមីន (MET) ទម្ងន់សុទ្ធ ៤០៣.៣ ក្រាម ៤៖ ប្រភេទអ៉ិចស្តាស៊ី (MDMA) ទម្ងន់សុទ្ធ ១គីឡូ ៤៦១.៥ ក្រាម។ ៥៖ សារធាតុផ្សំ ទម្ងន់សុទ្ធ ៩៩គីឡូ ៣៥០ ក្រាម។ ៦៖ សារធាតុមិនច្បាស់លាស់ ទម្ងន់សុទ្ធ ៤០គីឡូ ៥០០ ក្រាម។

គួរជម្រាបជូនថា ប្រតិបតិ្តការបង្ក្រាបខាងលើ ក្រោមការចង្អុលបង្ហាញពីលោក លាវ ស្រេង ព្រះរាជអាជ្ញាខេត្តព្រះសីហនុ និងដឹកនាំសម្របសម្រួលពីលោក វុធ សាវី ព្រះរាជអាជ្ញារង បញ្ជាការដ្ឋានកងរាជអាវុធហត្ថខេត្តព្រះសីហនុផងដែរ។

បច្ចុប្បន្នជនសង្ស័យខាងលេី កំពុងត្រូវបានកម្លាំងជំនាញឃាត់ខ្លួន នៅបញ្ជាការដ្ឋានកងរាជអាវុធហត្ថ ខេត្ដព្រះសីហនុ ដេីម្បីធ្វេីការសាកសួរ និងចាត់ការតាមនីតិវិធីបន្ត៕