ព្រះមហាក្សត្រនៃកម្ពុជាទ្រង់បានត្រាស់បង្គាប់ដាក់ពិន័យចៅក្រម៥នាក់ ក្រោមរូបភាព បន្ថយមួយថ្នាក់ និងបន្ថយឋានន្ដរស័ក្ដិ 

(ភ្នំពេញ)៖ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ទ្រង់បានចេញព្រះរាជក្រឹត្យត្រាស់បង្គាប់ដាក់ពិន័យក្រោមរូបភាព បន្ថយមួយថ្នាក់ និងបន្ថយឋានន្ដរស័ក្ដិ ចំពោះចៅក្រម៥នាក់។

ក្នុងព្រះរាជក្រឹត្យរបស់ព្រះមហាក្សត្រ ដែលអង្គភាព The Mirror News ទទួលបាននៅថ្ងៃទី៥ ខែមករា ឆ្នាំ២០២៦នេះ បានឲ្យដឹងថា ចៅក្រមដែលត្រូវបានដាក់ពិន័យទាំង៥នាក់រួមមាន៖ ទី១៖ លោក ឃុន លាងម៉េង ឧត្តមចៅក្រមថ្នាក់លេខ៥ មកជាថ្នាក់លេខ៦។ ទី២៖ លោក ភូ ពៅស៊ុន ឧត្តមចៅក្រមថ្នាក់លេខ៥ មកជាថ្នាក់លេខ៦។ ទី៣៖ លោកស្រី យិន ឈាណាវី ឧត្តមចៅក្រមថ្នាក់លេខ៦ មកជាវរៈចៅក្រមថ្នាក់លេខ១។ ទី៤៖ លោក ធាម ច័ន្ទពិសិដ្ឋ វរៈចៅក្រមថ្នាក់លេខ២ មកជាថ្នាក់លេខ៣។ និងទី៥៖ លោកស្រី ទិត ដាលីន វរៈចៅក្រមថ្នាក់លេខ៤ មកជាអនុចៅក្រមថ្នាក់លេខ១៕