រដ្ឋបាលខេត្តបន្ទាយមានជ័យហាមដាច់ខាតការប្រើប្រាស់អាកាសយានគ្មានមនុស្សបើក (ជ្រួន) គ្រប់ប្រភេទ ក្នុងភូមិសាស្ត្រ

(បន្ទាយមានជ័យ)៖ ដើម្បីធានាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈជូនដល់បងប្អូន ប្រជាពលរដ្ឋក្នុងខេត្តបន្ទាយមានជ័យនៅក្នុងកាលៈទេសៈដែលព្រះរាជាណាចក្រកម្ពុជាកំពុងតែត្រូវបានឈ្លានពាន ដោយខ្មាំងសត្រូវនោះ រដ្ឋបាលខេត្តបន្ទាយមានជ័យសូមធ្វើការណែនាំដូចខាងក្រោម៖

១- ហាមដាច់ខាតការប្រើប្រាស់អាកាសយានគ្មានមនុស្សបើក (ជ្រួន) គ្រប់ប្រភេទ ក្នុងភូមិសាស្ត្រ

២- ជនណាដែលបំពាន ឬប្រើប្រាស់អាកាសយានគ្មានមនុស្សបើក (ជ្រួន) ដោយគ្មានការ អនុញ្ញាតពីរដ្ឋបាលខេត្តបន្ទាយមានជ័យ ត្រូវទទួលខុសត្រូវទាំងស្រុងនៅចំពោះមុខច្បាប់ជាធរមាន។

៣. ករណីបងប្អូនប្រជាពលរដ្ឋ បានប្រទះឃើញមានការប្រើប្រាស់អាកាសយានគ្មានមនុស្សបើក សូមរាយការណ៍ជាបន្ទាន់មកអាជ្ញាធរមានសមត្ថកិច្ច ដើម្បីចាត់វិធានការឱ្យបានទាន់ពេលវេលា។

៤- ស្នងការដ្ឋាននគរបាលខេត្តបន្ទាយមានជ័យ បញ្ជាការដ្ឋានកងរាជអាវុធហត្ថខេត្តបន្ទាយមានជ័យ និង គណៈបញ្ជាការឯកភាពរដ្ឋបាលក្រុង ស្រុកទាំង៩ ត្រូវបង្កើនការយកចិត្តទុកដាក់ តាមដានចាត់ចែង និងគ្រប់គ្រងសភាពការណ៍ឱ្យបានល្អប្រសើរ ក្នុងករណីពិនិត្យឃើញមានជនណាបំពាននូវសេចក្តីណែនាំនេះ ត្រូវចាត់វិធានការជាបន្ទាន់។