ឯកឧត្ដម នាយឧត្តមសេនីយ៍ ឈន សារ៉ាណេ ប្រកាសថ្កោលទោសយ៉ាងដាច់អហង្ការចំពោះទង្វើអមនុស្សធម៌សាហាវយង់ឃ្នង់របស់យោធាថៃ ដែលបានឈ្លានពាន មកលើអធិបតេយ្យភាពនៃ ព្រះរាជាណាចក្រកម្ពុជា
(ភ្នំពេញ)៖ ឯកឧត្ដម នាយឧត្តមសេនីយ៍ ឈន សារ៉ាណេ អនុរដ្ឋលេខាធិការ ឯកឧត្ដម នាយឧត្តមសេនីយ៍ ឈន សារ៉ាណេ ប្រកាសថ្កោលទោសយ៉ាងដាច់អហង្ការចំពោះទង្វើអមនុស្សធម៌សាហាវយង់ឃ្នង់របស់យោធាថៃ ដែលបានឈ្លានពាន មកលើអធិបតេយ្យភាពនៃ ព្រះរាជាណាចក្រកម្ពុជាក្រសួងមហាផ្ទៃ សូមប្រកាសថ្កោលទោសយ៉ាងដាច់អហង្ការចំពោះទង្វើអមនុស្សធម៌សាហាវយង់ឃ្នង់របស់យោធាថៃ ដែលបានឈ្លានពាន មកលើអធិបតេយ្យភាពនៃ ព្រះរាជាណាចក្រកម្ពុជា ជាពិសេសបានបន្តបាញ់ប្រហារមកលើប្រជាជន ស៊ីវិលស្លូតត្រង់នៅតាមបណ្តាខេត្តជាប់ព្រំដែនកម្ពុជា ថៃ ចាប់តាំងពីរសៀលថ្ងៃទី៧ ខែធ្នូ រហូតដល់ ថ្ងៃទី២៤ ខែធ្នូ ឆ្នាំ២០២៥ នេះ ។ នេះបើតាមញត្តិថ្កោលទោសរបស់ឯកឧត្ដមនាយឧត្ដមសេនីយ៍ ឈន សារ៉ាណេ ដែលអង្គភាព The Mirror News ទទួលបាននៅថ្ងៃទី២៥ ខែធ្នូ ឆ្នាំ២០២៥នេះ។
ឯកឧត្ដមនាយឧត្ដមសេនីយ៍បានបញ្ជាក់ថា ការឈ្លានពានរបស់ថៃ ដោយបានប្រើប្រាស់អាវុធធុនតូច និងធុនធំ ដោយកំរោល និងមិនរើស គោលដៅយ៉ាងសាហាវព្រៃផ្សៃ បានធ្វើឱ្យប្រជាជនស៊ីវិលកម្ពុជាមួយចំនួនរងរបួស ផ្ទះសម្បែងជាច្រើនខ្នង ត្រូវបានបំផ្លាញ-សិស្សសាលា ក្មេង ចាស់ ប្រុសស្រី ត្រូវបង្ខំចិត្តភៀសខ្លួនរកទីកន្លែងសុវត្ថិភាពបណ្តោះអាសន្ន ភ្លាមៗ ។ ភាគីថៃម្តងហើយម្តងទៀតបានរំលោភបំពានលើបទឈប់បាញ់ និងសេចក្តីថ្លែងការណ៍រួមស្តីពី កិច្ចព្រមព្រៀងសន្តិភាពរវាងកម្ពុជានិងថៃ ដែលភាគីទាំងពីរបានចុះហត្ថលេខាដោយ នាយករដ្ឋមន្ត្រីនៃប្រទេស កម្ពុជានិងថៃ ក្រោមសាក្សីរបស់ ឯកឧត្តម ដូណាល់ត្រាំ ប្រធានាធិបតីសហរដ្ឋអាមេរិក និងឯកឧត្តម អាន់វ៉ា អ៊ីប្រាហ៊ីម នាយករដ្ឋមន្ត្រី នៃប្រទេសម៉ាឡេស៊ី និងជាប្រធានប្តូរវេនអាស៊ាន ។
ឯកឧត្ដមអនុរដ្ឋលេខាធិការសូមអំពាវនាវឱ្យសហគមន៍អន្តរជាតិថ្កោលទោសយ៉ាងម៉ឺងម៉ាត់ចំពោះការរំលោភបំពាន សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ និងសកម្មភាពខុសច្បាប់របស់ថៃម្តង ហើយម្តងទៀតនេះ ដែលគម្រាមកំហែងដល់សន្តិភាព និងស្ថេរភាពនៅក្នុងតំបន់ ។
ទន្ទឹមនេះ ឯកឧត្ដមនាយឧត្តមសេនីយ៍ ឈន សារ៉ាណេ សូមអំពាវនាវឱ្យភាគីថៃងាកមកគោរពកិច្ចព្រមព្រៀងបទឈប់បាញ់ សេចក្តីថ្លែង ការណ៍រួមស្តីពីកិច្ចព្រមព្រៀងសន្តិភាព និងកាតព្វកិច្ចទាំងឡាយនៅក្រោមច្បាប់អន្តរជាតិឱ្យបានម៉ឺងម៉ាត់ ស្មោះត្រង់ និងដោយសុច្ឆន្ទៈពិតប្រាកដ ព្រមទាំងប្រកាន់ខ្ជាប់នូវការដោះស្រាយជម្លោះដោយសន្តិវិធី ស្របច្បាប់ អន្តរជាតិ ក៏ដូចជាសន្ធិសញ្ញា អនុសញ្ញា និងកិច្ចព្រមព្រៀងដែលមានស្រាប់ ហើយប្រឆាំងនិងការប្រើប្រាស់ កម្លាំងប្រដាប់អាវុធ សំដៅស្វែងរកដំណោះស្រាយមួយប្រកបដោយយុត្តិធម៌ ត្រឹមត្រូវ យូរអង្វែង និងស្របតាម ច្បាប់អន្តរជាតិ ។
ជាថ្មីម្តងទៀត ឯកឧត្ដមនាយឧត្តមសេនីយ៍សូមប្រកាសថ្កោលទោស យ៉ាងដាច់អហង្ការចំពោះទង្វើអមនុស្សធម៌ដ៏សាហាវ ឃោរឃៅរបស់យោធាថៃ ដែលបានបើកការបាញ់ ប្រហារមកលើកងទ័ពកម្ពុជា និងប្រជាពលរដ្ឋកម្ពុជា៕