Breaking News: ក្រសួងមហាផ្ទៃចេញប្រកាសផ្អាកការងារលោកវរសេនីយ៍ទោ ពៅ រិទ្ធី មេបញ្ជាការរង នៃវរសេនាតូចនគរបាលការពារព្រំដែនគោកនៃស្នងការដ្ឋាននគរបាលខេត្តបន្ទាយមានជ័យ ដើម្បីបើកផ្លូវឱ្យតុលាការ បន្តនីតិវិធីតាមផ្លូវច្បាប់

(ភ្នំពេញ)៖ លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅថ្ងៃទី២៣ ខែកញ្ញា ឆ្នាំ២០២៥នេះ បានចេញប្រកាស ស្តីពី ការផ្អាកការងារបណ្តោះអាសន្នចំពោះមន្ត្រីនគរបាលជាតិគឺលោកវរសេនីយ៍ទោ ពៅ រិទ្ធី អត្តលេខ ៥៦០៥០ មេបញ្ជាការរង នៃវរសេនាតូចនគរបាលការពារព្រំដែនគោកលេខ៨៩១ ស្នងការដ្ឋាននគរបាលខេត្តបន្ទាយមានជ័យ ចំណុះអគ្គស្នងការដ្ឋាននគរបាលជាតិ ដើម្បីបើកផ្លូវឱ្យតុលាការបន្តនីតិវិធីតាមផ្លូវច្បាប់។

នៅក្នុងប្រការ២ លោកអភិសន្តិបណ្ឌិត ស សុខា បានសង្កត់ធ្ងន់ទៀតថា៖ លោកវរសេនីយ៍ទោ ពៅ រិទ្ធី ត្រូវមកបង្ហាញមុខរៀងរាល់ម៉ោងធ្វើការនៅការិយាល័យបុគ្គលិក នៃស្នងការដ្ឋាន នគរបាលខេត្តបន្ទាយមានជ័យ រហូតដល់មានការសម្រេចជាថ្មី។

ខាងក្រោមនេះ ជាប្រកាស ស្តីពី ការផ្អាកការងារបណ្តោះអាសន្នចំពោះមន្ត្រីនគរបាលជាតិ៖