Breaking News: អង្គភាពព័ត៌មាន «ឌឹមីរ័រញូស៍» សូមបដិសេធចោលទាំងស្រុងចំពោះទំព័រហ្វេសឈ្មោះ« The Mirror News»ដែលមានបុគ្គល ឬក្រុមមួយបានលួចបង្កើត ហើយបានធ្វើការផ្សព្វផ្សាយដំណឹងមិនពិត មានលក្ខណៈញុះញុង ធ្វើឱ្យសាធារណជនភ័ន្តច្រឡំ

(កណ្ដាល)៖  ថ្មីៗនេះ អង្គភាពព័ត៌មាន ឌឹមីរ័រញូស៍ (The Mirror News) បានសង្កេតឃើញថា៖ មានបុគ្គល ឬ ក្រុមមួយ បានលួចបង្កើតទំព័រហ្វេសដោយប្រើឈ្មោះ «The Mirror News»  តែខុសឡូហ្គោ ហើយបានធ្វើការផ្សព្វផ្សាយដំណឹងមិនពិត មានលក្ខណៈញុះញុង ធ្វើឱ្យសាធារណជនភ័ន្តច្រឡំថា ជាការផ្សព្វផ្សាយរបស់បណ្ដាញសារព័ត៌មានឌឹមីរ័រញូស៍ (The Mirror News)។

អាស្រ័យហេតុនេះ អង្គភាពព័ត៌មាន «ឌឹមីរ័រញូស៍-The Mirror News» សូមប្រកាសបដិសេធចោលទាំងស្រុងចំពោះទំព័រហ្វេស «The Mirror News» ដែលមានភិនភាកដូចខាងក្រោមនេះ និងមិនទទួលខុសត្រូវរាល់ការផ្សព្វផ្សាយព័ត៌មានទាំងអស់នៅក្នុងទំព័រហ្វេសឈ្មោះ «The Mirror News» ខាងក្រោមនេះឡើយ ។

ជាថ្មីម្ដងទៀត អង្គភាពព័ត៌មាន «ឌឹមីរ័រញូស៍-The Mirror News» សូមជម្រាបជូនសាធារណជនមេត្តាជ្រាបថា នេះ ជាទំព័រហ្វេសប៊ុក​ក្លែងក្លាយ! ដូច្នេះសូមកុំភាន់ច្រឡំ និងកុំចែកចាយបន្តឱ្យសោះ និងសូមបង្កើន​ការប្រុងប្រយ័ត្នចំពោះ​ព័ត៌មានលើបណ្តាញសង្គមដែលគ្មានប្រភពច្បាស់លាស់ និងគ្មានការផ្ទៀងផ្ទាត់ឱ្យបានត្រឹមត្រូវ។

សូមតាមដានព័ត៌មានពិតទាក់ទងនឹងសមរភូមិយោធានៅតំបន់ព្រំដែន នូវប្រភពចំនួន៤សំខាន់ៗ ដែលជាប្រភពផ្លូវការ រួមមានដូចខាងក្រោម៖

១-ថ្នាក់ដឹកនាំកំពូល​របស់ជាតិ

២-ក្រសួង​ការពារជាតិ

៣-ក្រសួង​ការបរទេស​និងសហប្រតិបត្តិការអន្តរជាតិ

៤-អង្គភាព​​អ្នក​នាំ​ពាក្យ​រាជរដ្ឋាភិបាលកម្ពុជា ដែលជា​ប្រភពផ្លូវការ ក្រៅពីនោះ គឺមិនមែន​ជាព័ត៌មាន​ផ្លូវការ​ទេ​។

គួរបញ្ជាក់ជូនថា ការផលិត និងចែកចាយព័ត៌មានក្លែងក្លាយដោយ​គោល​បំណង​ទុច្ចរិត ញុះញង់ឱ្យបាក់ទឹកចិត្តកងទ័ព ឬប៉ះពាល់ដល់សន្តិសុខជាតិ ត្រូវទទួលខុសត្រូវ​ចំពោះ​មុខច្បាប់ជាធរមាន៕