លោកវរសេនីយ៍ឯក អេង ប៉ជាក អញ្ជើញដឹកនាំកិច្ចប្រជុំត្រួតពិនិត្យការអនុវត្តតួនាទីភារកិច្ចប្រចាំសប្តាហ៍ និងផ្សព្វផ្សាយបទបញ្ជារបស់បញ្ជាការខេត្តតាកែវ

(តាកែវ)៖ លោកវរសេនីយ៍ឯក អេង ប៉ជាក មេបញ្ជាការរងកងរាជអាវុធហត្ថខេត្តតាកែវបានអញ្ជើញដឹកនាំលោកប្រធាន អនុប្រធានមន្ទីរ លោកនាយ នាយរងការិយាល័យ ជំនួយការ ចំណុះមន្ទីរភស្តុភារ និងមន្ទីរសម្ភារបចេ្ចកទេសចូលរួមកិច្ចប្រជុំត្រួតពិនិត្យការអនុវត្តតួនាទីភារកិច្ចប្រចាំសប្តាហ៍ និងផ្សព្វផ្សាយបទបញ្ជារបស់លោកឧត្តមសេនីយ៍ត្រីមេបញ្ជាការខេត្ត ដល់កម្លាំងមន្ទីរទាំងពីរ។

នៅក្នុងកិច្ចប្រជុំនេះ លោកមេបញ្ជាការរងបានណែនាំឱ្យត្រូវមកចូលរួមប្រជុំជួរដើម្បីត្រៀមអនុវត្តបទបញ្ជារបស់ឯកឧត្ដមនាយឧត្ដមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស,ពង្រឹងលើបទវិន័យកងទ័ព ,ពង្រឹងលើការប្រើប្រាស់ស្លាកលេខ ខ.ម ពង្រឹងការប្រចាំការ ប្រចាំបញ្ជា អន្តរាគមន៍២៤ម៉ោងលើ២៤ម៉ោង,ព្រមទាំងសាមគ្គីភាពផ្ទៃក្នងឲ្យបានល្អ៕