រដ្ឋមន្ត្រីក្រសួងព័ត៌មាន៖ យោធាថៃបានប្រើប្រាស់ អាវុធគ្រប់ប្រភេទ រាប់ទាំងគ្រាប់ផ្លោងនិងការទំលាក់គ្រាប់បែកពីលើយន្តហោះ ប៉ះពាល់ដល់ប្រាសាទព្រះវិហារ គឺជាឧក្រិដ្ឋកម្មដ៏ធ្ងន់ធ្ងរប្រឆាំងនឹងបេតិកភណ្ឌពិភពលោក និងជាការរំលោភបំពានលើច្បាប់អន្តរជាតិ

(ភ្នំពេញ)៖ លោក នេត្រ ភក្ក្រា រដ្ឋមមន្ត្រីក្រសួងព័ត៌មានបានបញ្ជាក់នៅតាមបណ្ដាញសង្គមនាថ្ងៃនេះថា «យោធាថៃបានប្រើប្រាស់ អាវុធគ្រប់ប្រភេទ ដោយរាប់ទាំងគ្រាប់ផ្លោងនិងការទំលាក់គ្រាប់បែកពីលើយន្តហោះ ប៉ះពាល់ដល់ប្រាសាទព្រះវិហារ ដែលរួមមាន ពយតាឌី កូបុរៈទី១ ទី២ ទី៣ ទី៥ ជណ្តើរខាងជើង និងតំបន់ក្បែរប្រាសាទព្រះវិហារ។ លោករដ្ឋមន្ត្រីបានបញ្ជាក់ទៀតថា «នេះជាឧក្រិដ្ឋកម្មដ៏ធ្ងន់ធ្ងរប្រឆាំងនឹងបេតិកភណ្ឌពិភពលោក និងជាការរំលោភបំពានលើច្បាប់អន្តរជាតិ»៕