លោកស្នងការ ម៉ៅ ច័ន្ទមធរិទ្ធ បានចាត់តាំងកម្លាំងការពារសន្តិសុខ សុវត្ថិភាព ជូនសម្តេចបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត

(កំពត)៖ លោកឧត្ដមសេនីយ៍ទោ ម៉ៅ ច័ន្ទមធរិទ្ធ ស្នងការនៃស្នងការដ្ឋាននគរបាលខេត្តកំពតនៅថ្ងៃចន្ទ ទី២១ ខែមេសា ឆ្នាំ២០២៥នេះ បានបែងចែកកម្លាំងដើម្បីអនុវត្តតាមផែនការ លេខ ១២ ផ.ក/២៥ ស្តីពីការការពារ​ សន្តិសុខ សុវត្ថិភាព ជូនសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ក្នុងពិធីសម្ភោធបើកឲ្យដំណើរការប្រើប្រាស់ជាផ្លូវការកំពង់ផែទេសចរណ៍អន្តរជាតិ ខេត្តកំពត ស្ថិតនៅភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកំពត។

ក្នុងនោះស្នងការដ្ឋាននគរបាលខេត្តបានបែងចែកកម្លាំងការពារទៅតាមគោលដៅសំខាន់ៗ និងប្រើប្រាស់កម្លាំងសរុបចំនួន៨៣៣នាក់ ស្រីចំនួន១៩នាក់ ក្នុងនោះ កម្លាំងនគរបាលខេត្តចំនួន៣១៨នាក់ និងអធិការដ្ឋានស្រុកជុំគិរីចំនួន៤០នាក់ អធិការដ្ឋានស្រុកឈូកចំនួន៦០នាក់ អធិការដ្ឋានស្រុកដងទង់ចំនួន៤០នាក់អធិការដ្ឋានស្រុកទឹកឈូចំនួន១០៥នាក់ អធិការដ្ឋានក្រុងកំពតចំនួន៩០នាក់និងអធិការដ្ឋានក្រុងបូកគោចំនួន៣០នាក់ អធិការដ្ឋានស្រុកបន្ទាយមាសចំនួន ៥០នាក់ អធិការដ្ឋានស្រុកអង្គរជ័យចំនួន ៥០នាក់ និងអធិការដ្ឋានស្រុកកំពង់ត្រាចចំនួន៥០នាក់។

កម្លាំងនគរបាលទាំងនេះមានភារកិច្ច៖ ការពារនូវសន្តិសុខ សុវត្ថិភាពនិងសណ្តាប់ធ្នាប់សាធារណៈ ជុំវិញបរិវេណពិធី ប្រកបដោយសុវត្ថិភាពឲ្យបានល្អប្រសើរ។ ការពារសន្តិសុខ សុវត្ថិភាពឲ្យបានដាច់ខាត ជូនថ្នាក់ដឹកនាំ មន្ត្រីរាជការ ដែលបានអញ្ជើញចូលរួមក្នុងពិធីនេះ។ ការពារសុវត្ថិភាពតាមដងផ្លូវ និងរៀបចំសណ្តាប់ធ្នាប់ចរាចរណ៍ឲ្យបានល្អ ជូនថ្នាក់ដឹកនាំជាន់ខ្ពស់៕