លោក ប៉ែត សារ៉ាត់ និងក្រុមគ្រួសារ សូមថ្លែងអំណរគុណយ៉ាងជ្រាលជ្រៅចំពោះឯកឧត្ដម នៅ ឌីណា និងក្រុមការងារយុវវិស្វករកម្ពុជា

(កំពត)៖ លោក ប៉ែត សារ៉ាត់ អនុប្រធានក្រុមការងារយុវវិស្វករកម្ពុជា នៃគណៈវិស្វករកម្ពុជា និងក្រុមគ្រួសារនៅថ្ងៃទី១៦ ខែសីហា ឆ្នាំ២០២៦នេះ សូមសម្ដែងនូវសេចក្ដីថ្លែងអំណរគុណយ៉ាងជ្រាលជ្រៅ និងខ្ពង់ខ្ពស់បំផុត ជូនចំពោះ ឯកឧត្ដម នៅ ឌីណា ប្រធានក្រុមការងារយុវវិស្វករកម្ពុជា នៃគណៈវិស្វករកម្ពុជា ព្រមទាំងលោក លោកស្រី ជាអនុប្រធាន និងសមាជិក សមាជិកា នៃក្រុមការងារទាំងអស់ ដែលបានផ្ញើសារចូលរួមរំលែកមរណទុក្ខ និងសម្ដែងនូវមនោសញ្ចេតនាអាណិតអាសូរ ក្ដីគោរព និងការលើកទឹកចិត្ត ចំពោះការបាត់បង់ ឧបាសក ប៉ែត ត្រៀក ដែលត្រូវជាឪពុកបង្កើតរបស់លោក។

ការចូលរួមរំលែកមរណទុក្ខដ៏ថ្លៃថ្លា ព្រមទាំងពាក្យពេចន៍ប្រកបដោយក្តីស្រឡាញ់ និងការបួងសួងជូនដល់វិញ្ញាណក្ខន្ធនៃសព ពិតជាបានផ្ដល់នូវកម្លាំងចិត្តដ៏ធំធេងដល់រូបលោក និងក្រុមគ្រួសារ ក្នុងអំឡុងពេលដ៏ក្រៀមក្រំ និងជាទីសោកសង្រេងបំផុតនេះ។

ក្នុងឱកាសនេះ លោក ប៉ែត សារ៉ាត់ និងក្រុមគ្រួសារ សូមសម្ដែងនូវការដឹងគុណយ៉ាងជ្រាលជ្រៅចំពោះ ឯកឧត្ដម ប្រធាន ព្រមទាំងលោក លោកស្រី អនុប្រធាន និងសមាជិក សមាជិកាទាំងអស់ នៃក្រុមការងារយុវវិស្វករកម្ពុជា ដែលបានផ្ដល់កិត្តិយស និងការយកចិត្តទុកដាក់ដ៏ប្រពៃចំពោះក្រុមគ្រួសារ ក្នុងវេលាដ៏លំបាកនេះ។

ជាមួយគ្នានេះ លោក និងក្រុមគ្រួសារ សូមបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិក្នុងលោក សូមតាមជួយបីបាច់ថែរក្សា ឯកឧត្ដម នៅ ឌីណា ព្រមទាំងលោក លោកស្រី អនុប្រធាន និងសមាជិក សមាជិកា នៃក្រុមការងារយុវវិស្វករកម្ពុជាទាំងអស់ ឱ្យជួបប្រទះតែសេចក្ដីសុខ សេចក្ដីចម្រើន សុភមង្គល និងពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូម ឯកឧត្ដម ប្រធាន ព្រមទាំងលោក លោកស្រី អនុប្រធាន និងសមាជិក សមាជិកាទាំងអស់ ទទួលនូវការគោរពរាប់អាន និងអំណរគុណដ៏ស្មោះស្ម័គ្របំផុត ពីលោក ប៉ែត សារ៉ាត់ និងក្រុមគ្រួសារ៕