ឯកឧត្តមនាយឧត្តមសេនីយ៍ ឈន សារ៉ាណេ សម្តែងអំណរសាទរ និងជូនពរ សម្តេចកិត្តិសង្គហបណ្ឌិត ម៉ែន សំអន ក្នុងឱកាសខួបចម្រើនជន្មាយុ

(ភ្នំពេញ)៖ នៅថ្ងៃទី១៤ ខែសីហា ឆ្នាំ២០២៦ ឯកឧត្តមនាយឧត្តមសេនីយ៍ ឈន សារ៉ាណេ អនុរដ្ឋលេខាធិការក្រសួងមហាផ្ទៃ បានសម្តែងនូវអំណរសាទរ និងគោរពជូនពរយ៉ាងខ្ពង់ខ្ពស់ចំពោះ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ ក្នុងឱកាសដ៏វិសេសវិសាលនៃខួបចម្រើនជន្មាយុ ដែលនឹងប្រព្រឹត្តទៅនៅថ្ងៃទី១៥ ខែសីហា ឆ្នាំ២០២៦។

ក្នុងសារជូនពរ ឯកឧត្តមនាយឧត្តមសេនីយ៍ ឈន សារ៉ាណេ ក្នុងនាមខ្លួន ភរិយា ក្រុមគ្រួសារ និងសហការី បានសម្តែងនូវសេចក្តីសោមនស្សរីករាយ និងគោរពជូនពរដ៏ស្មោះស្ម័គ្រចំពោះ សម្តេចកិត្តិសង្គហបណ្ឌិត ម៉ែន សំអន ព្រមទាំងក្រុមគ្រួសារ និងចៅៗជាទីស្រឡាញ់។
ឯកឧត្តមបានបួងសួងដល់គុណព្រះរតនត្រ័យ និងវត្ថុស័ក្តិសិទ្ធិទាំងឡាយ សូមប្រោសប្រទាននូវសិរីសួស្តី ជ័យមង្គល វិបុលសុខ និងពរជ័យដ៏បវរមហាប្រសើរ ជូនសម្តេចកិត្តិសង្គហបណ្ឌិត ព្រមទាំងក្រុមគ្រួសារ ឱ្យប្រកបដោយពុទ្ធពរទាំងបួនប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

ជាមួយគ្នានេះ ឯកឧត្តមនាយឧត្តមសេនីយ៍បានគោរពជូនពរ សូមឱ្យ សម្តេចកិត្តិសង្គហបណ្ឌិត ម៉ែន សំអន មានសុខភាពល្អបរិបូរណ៍ កម្លាំងកាយកម្លាំងចិត្តមាំមួន និងបន្តចូលរួមបម្រើបុព្វហេតុដ៏ឧត្តុង្គឧត្តមរបស់ជាតិ សាសនា និងព្រះមហាក្សត្រ ប្រកបដោយជោគជ័យ និងសមិទ្ធផលថ្មីៗជាបន្តបន្ទាប់។

សារជូនពរនេះ ក៏ជាការបង្ហាញនូវមនោសញ្ចេតនាគោរពស្រឡាញ់ និងការចូលរួមអបអរសាទរយ៉ាងកក់ក្តៅ ក្នុងឱកាសដ៏មានអត្ថន័យសម្រាប់ សម្តេចកិត្តិសង្គហបណ្ឌិត និងក្រុមគ្រួសារ៕