ក្រសួងសាធារណការ និងដឹកជញ្ជូនចេញសេចក្ដីជូនដំណឹងស្ដីពីមរណភាពឪពុកបង្កើតរបស់អលោក ប៉ែត សារ៉ាត់ អនុប្រធានមន្ទីរសាធារណការ និងដឹកជញ្ជូន ខេត្តកណ្តាល

(ភ្នំពេញ)៖ ក្រសួងសាធារណការ និងដឹកជញ្ជូន សូមជម្រាបជូនដល់ ឯកឧត្តម លោកជំទាវ លោក លោកស្រី ជាមន្ត្រីរាជការទាំងអស់ ឱ្យបានជ្រាបថា លោក ប៉ែត សារ៉ាត់ អនុប្រធានមន្ទីរសាធារណការ និងដឹកជញ្ជូន ខេត្តកណ្តាល បានទទួលមរណភាពឪពុកបង្កើត គឺ ឧបាសក ប៉ែត គ្រៀក នៅថ្ងៃសុក្រ ទី១៤ ខែសីហា ឆ្នាំ២០២៦ វេលាម៉ោង ៦:៥៥នាទីព្រឹក ក្នុងជន្មាយុ ៨៩ឆ្នាំ ដោយជរាពាធ។

បច្ចុប្បន្ន សពឧបាសក ប៉ែត គ្រៀក ត្រូវបានតម្កល់ធ្វើបុណ្យតាមប្រពៃណីព្រះពុទ្ធសាសនា នៅគេហដ្ឋាន ស្ថិតក្នុងភូមិរបងក្រាស់ ឃុំកំពង់ត្រាចខាងកើត ស្រុកកំពង់ត្រាច ខេត្តកំពត។

តាមកម្មវិធីបុណ្យ សពនឹងត្រូវ ក្រកសពនៅវេលាម៉ោង ៩:០០នាទីព្រឹក ថ្ងៃសៅរ៍ ទី១៥ ខែសីហា ឆ្នាំ២០២៦ និង ដង្ហែទៅកាន់ទីសក្ការៈក្នុងវត្ត ដើម្បីប្រារព្ធពិធីបញ្ចុះសពនៅវេលាម៉ោង ៩:០០នាទីព្រឹក ថ្ងៃអាទិត្យ ទី១៦ ខែសីហា ឆ្នាំ២០២៦ តាមប្រពៃណីព្រះពុទ្ធសាសនា។

ក្រសួងសាធារណការ និងដឹកជញ្ជូន សូមចាត់ទុកដំណឹងនេះជាការជូនព័ត៌មាន និងគោរពអញ្ជើញ ឯកឧត្តម លោកជំទាវ លោក លោកស្រី និងមន្ត្រីរាជការទាំងអស់ ចូលរួមរំលែកទុក្ខជាមួយក្រុមគ្រួសារសព តាមសទ្ធាជ្រះថ្លារៀងៗខ្លួន។

ក្នុងវេលាដ៏ក្រៀមក្រំនេះ សូមចូលរួមរំលែកមរណទុក្ខយ៉ាងសោកស្តាយជាទីបំផុតជាមួយ លោក ប៉ែត សារ៉ាត់ និងក្រុមគ្រួសារ ព្រមទាំងសូមបួងសួងឱ្យវិញ្ញាណក្ខន្ធឧបាសក ប៉ែត គ្រៀក បានទៅកាន់សុគតិភព កុំបីឃ្លៀងឃ្លាតឡើយ។

«អនិច្ចា វត សង្ខារា» សង្ខារទាំងឡាយមិនទៀង៕