ដេប៉ូលក់សាំងយីហោ «PEACE » ត្រូវបានការងារចម្រុះធ្វើកិច្ចសន្យាកែតម្រូវឱ្យស្របតាមច្បាប់និងប្បញ្ញត្តបច្ចេកទេសជាធរមាន និងបានផាកពិន័យ៤លានរៀល!

(ភ្នំពេញ)៖ ដេប៉ូលក់សាំងយីហោ «PEACE» រងការផាកពិន័យ៤លានរៀល ក្រោយមិនដាក់តម្លៃ និងលក់លើសតម្លៃជាង៦០០០រៀល នៅតាងួន សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ នៅវេលាម៉ោង៩៖០០នាទីព្រឹក ថ្ងៃទី៨ ខែមីនា ឆ្នាំ២០២៦។

បើតាមរបាយការណ៍រដ្ឋបាលខណ្ឌពោធិ៍សែនជ័យ ដឹកនាំដោយលោក សក់ ច័ន្ទកញ្ញារិទ្ធ អភិបាលខណ្ឌ ដោយមានការចូលរួមពី មន្ទីរ រ៉ែ និងថាមពល រាជធានីភ្នំពេញ, មន្ទីរពាណិជ្ជកម្ម រាជធានីភ្នំពេញ និងសាខា ក.ប.ប រាជធានីភ្នំពេញ នៃយកដ្ឋានការពារអ្នកប្រើប្រាស់កិច្ចការការប្រគួតប្រជែង និងបង្រ្កាបការក្លែងបន្លំ ក.ប.ប នៃក្រសួងពាណិជកម្ម បានចុះត្រួតពិនិត្យទីតាំងស្ថានីយប្រេងឥន្ធនៈ ០១កន្លែង នាមករណ៍ សន្ដិភាព ស្ថិតនៅមហាវិថីសហព័ន្ធរុស្ស៊ី ភូមិតាងួន២ សង្កាត់កាកាបទី១ ដោយទីតាំងនេះបានលក់ប្រេងឥន្ធនៈលើសតម្លៃ ល្មើសនឹងសេចក្ដីជូនដំណឹងរបស់ក្រសួងពាណិជ្ជកម្ម ស្ដីពីថ្លៃលក់រាយប្រេងឥន្ធនៈនៅតាមស្ថានីយ។

ជាលទ្ធផល ក្រុមការងារបានធ្វើការផាកពិន័យទីតាំងនេះចំនួន ៤លានរៀល និងធ្វើកិច្ចសន្យាកែតម្រូវឱ្យស្របតាមច្បាប់នឹងបទប្បញ្ញត្តបច្ចេកទេសជាធរមាន៕