Breaking News: នៅទីបំផុត! លោកឧបនាយករដ្ឋមន្ត្រី ស សុខា សម្រេចបណ្តេញលោក ស៊ិន សុភា ចេញពីក្របខ័ណ្ឌនគរបាលជាតិហើយ ដោយសារល្មើសបទវិន័យនគរបាលជាតិ!
(ភ្នំពេញ)៖ នៅទីបំផុត, លោកឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃចេញសេចក្ដីសម្រេចអនុវត្តវិន័យនិងបណ្តេញលោកអនុសេនីយ៍ទោ ស៊ិន សុភា នាយរងផ្នែកបញ្ជាចរាចរណ៍ទី២ នៃការិយាល័យនគរបាលចរាចរណ៍ផ្លូវគោក ស្នងការដ្ឋាននគរបាលរាជធានីភ្នំពេញចេញពីក្របខណ្ឌនគរបាលជាតិ កាលពីថ្ងៃទី២០ ខែមករា ឆ្នាំ២០២៦ ល្មើសបទវិន័យកងកម្លាំងនគរបាលជាតិកម្ពុជា ត្រូវបានក្រសួងមហាផ្ទៃ។ នេះបើយោងតាមសេចក្ដីសម្រេចរបស់ក្រសួងមហាផ្ទៃដែលអង្គភាពព័ត៌មាន The Mirror News ទទួលបាននៅយប់ថ្ងៃនេះ។
ជុំវិញករណីបណ្តេញចេញពីក្របខណ្ឌនគរបាលជាតិកម្ពុជាចំពោះមន្ត្រីនគរបាលខាងលើ គឺជាការអនុវត្តយ៉ាងម៉ឺងម៉ាត់ ដើម្បីពង្រឹងលើក្រមសីលធម៌ វិជ្ជាជីវៈនគរបាលជាតិ និងការគោរពបទវិន័យកងកម្លាំងនគរបាលជាតិកម្ពុជា ដែលមានការដាក់ចេញនូវវិធានការណ៍យ៉ាងម៉ឺងម៉ាត់ពីក្រសួងមហាផ្ទៃ អគ្គស្នងការដ្ឋាននគរបាលជាតិ ក៏ដូចជាស្នងការដ្ឋាននគរបាលរាជធានីភ្នំពេញ មិនលើកលែងចំពោះមន្ត្រីរូបណាដែលបានធ្វើសកម្មភាពប្រព្រឹត្តខុសពីបទវិន័យកងកម្លាំងនគរបាលជាតិកម្ពុជា ឬក៏ប្រព្រឹត្តខុសច្បាប់ណាមួយ ដែលបណ្តាលឲ្យប៉ះពាល់កិត្តិយស សេចក្តីថ្លៃថ្នូរ របស់កងកម្លាំងនគរបាលជាតិ។
ខាងក្រោមនេះ ជាសេចក្ដីសម្រេចរបស់ក្រសួងមហាផ្ទៃ៖ 
