លោកអភិបាលស្រុកខ្សាច់កណ្ដាលបន្តចែកបណ្ណអំណោយពន្ធសូន្យដល់ពលរដ្ឋដែលមានដីក្នុងភូមិទាំង១០ នៃឃុំព្រែកតាមាក់ 

(កណ្ដាល)៖ លោក​ ចេង ឌីណា អភិបាលស្រុកខ្សាច់កណ្ដាលនៅថ្ងៃទី១០ ខែមករា ឆ្នាំ២០២៦នេះ បានថ្លែងថា ដោយមានការយកចិត្តទុកដាក់ពីសំណាក់ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល ក្រុមការងារស្រុកបន្តចែកបណ្ណអំណោយពន្ធសូន្យជូនប្រជាពលរដ្ឋដែលមានដីក្នុងភូមិទាំង១០ នៃឃុំព្រែកតាមាក់ នៅថ្ងៃសៅរ៍-អាទិត្យ ទី១០-១១ ខែមករា ឆ្នាំ២០២៦នេះ។

លោក​ ចេង ឌីណា បានបន្តថា ទីតាំងដែលត្រូវចែកជូនរួមមាន៖*១. ភូមិព្រែកតាគង់ ,ភូមិកំពង់ដំរី និងភូមិក្នុង នៅវត្តសិរីសាគរ*២. ភូមិព្រែកតាមាក់ នៅសាលាបុណ្យភូមិព្រែកតាមាក់*៣. ភូមិស្វាយអាត់លើ និងភូមិស្វាយអាត់កណ្ដាល នៅសាលាបុណ្យភូមិស្វាយអាត់កណ្ដាល*៤. ភូមិស្វាយអាត់ក្រោម នៅសាលាបុណ្យភូមិស្វាយអាត់ក្រោម*៥. ភូមិអន្លង់ ,ភូមិបឹងក្រចាប់ជើង និងភូមិបឹងក្រចាប់ត្បូង នៅសាលាបុណ្យភូមិបឹងក្រចាប់ត្បូង

លោកអភិបាលស្រុកបានបញ្ជាក់ថា ការចែកបណ្ណពន្ធសូន្យនេះមាន៖*១. ដីដែលបានមកពីរដ្ឋចែកឲ្យ*២. ដីដែលរដ្ឋចែកឲ្យហើយបន្តធ្វើអំណោយទៅកូន ចៅ ឬបង ប្អូនបង្កើត (មិនមែនជាដីដែលទិញហើយចែកបន្តទេ)*៣. សូមអញ្ជើញមកទាំងអ្នកធ្វើអំណោយ និងអ្នកទទួលអំណោយ ដើម្បីផ្តិតមេដៃលើក្រដាស់ពន្ធ ប្រថាប់ត្រា(សូន្យ)*៤. ដោយឡែកបណ្ណអំណោយដែរ តែមិនទាន់បានមក សូមរងចាំពត៌មានពីអាជ្ញាធរ (ដោយសារករណីខ្លះនៅធនាគា និងខ្លះឳពុកម្ដាយស្លាប់អស់ ហើយខ្លះប្ដូរទីលំនៅពីទីតាំងទ្រព្យ)*៥. បង្កាន់ដៃក្បាលដីច្បាប់ដើម*៦. បើប្លង់ដាក់ឈ្មោះ ២នាក់ មនុស្សត្រូវមកទាំង ២នាក់៕