ក្រុមប៉ូលិសព្រហ្មទណ្ឌមហាផ្ទៃចាប់ឃាត់ខ្លួនមុខសញ្ញាកាច់កម៉ូតូក្នុងភូមិសាស្រ្តរាជធានីភ្នំពេញបាន២នាក់!

(ភ្នំពេញ)៖ កម្លាំងនាយកដ្ឋាននគរបាលព្រហ្មទណ្ឌបង្ក្រាបបានជនសង្ស័យ២នាក់ ជាមុខសញ្ញាកាច់កម៉ូតូក្នុងភូមិសាស្រ្តរាជធានីភ្នំពេញ។ នេះបើតាមប្រភពដែលអង្គភាព The Mirror News ទទួលបាននៅព្រឹកថ្ងៃទី៥ ខែមករា ឆ្នាំ២០២៦នេះ។

ប្រភពបានបន្តថា នៅថ្ងៃទី៤ ខែមករា ឆ្នាំ២០២៦ វេលាម៉ោង០០៖៣៥នាទីអធ្រាត្រ លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ បានបញ្ជាលោកឧត្តមសេនីយ៍ត្រី ប៊ុត វណ្ណារដ្ឋ អនុប្រធាននាយកដ្ឋាន ដឹកនាំកម្លាំងជំនាញធ្វើការឃាត់ខ្លួនជនសង្ស័យចំនួន២នាក់ ស្ថិតនៅត្រង់ចំណុចបន្ទប់ជួល ផ្លូវលេខ៩៣ សង្កាត់ស្រះចក ខណ្ឌដូនពេញ រាជធានីភ្នំពេញ ពាក់ព័ន្ធនឹងករណី លួច (កាច់កម៉ូតូ) ម៉ាក ហុងដា សង់សេ១២៥ ពណ៌ខ្មៅ ឆ្នាំផលិត២០១៩ កាលពីថ្ងៃទី៣០ ខែធ្នូ ឆ្នាំ២០២៥ នៅត្រង់ចំណុចបន្ទប់ ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ។

ជនសង្ស័យទាំង០២នាក់ខាងលើមានឈ្មោះ៖ ១-ឈ្មោះ ផាន ប៊ុនណា ភេទប្រុស អាយុ២៦ឆ្នាំ ជនជាតិខ្មែរ និង២-ឈ្មោះ ញឹក ចាន់សុផា ភេទប្រុស អាយុ៤៥ឆ្នាំ ជនជាតិខ្មែរ។

បច្ចុប្បន្នកម្លាំងជំនាញនាំជនសង្ស័យខាងលើយកមកនាយកដ្ឋាន ដើម្បីធ្វើការសាកសួរ និងកសាងសំណុំរឿងតាមនីតិវិធី៕