ឯកឧត្ដម ជុំ កុសល បានអញ្ជើញចុះជួបសំណេះសំណាលសួរសុខទុក្ខ និងនាំយកអំណោយគ្រឿងឧបភោគបរិភោគ ថវិការបស់រដ្ឋមន្ត្រីក្រសួងព័ត៌មានចែកជូនដល់ជនភៀសសឹកចំនួន២៣១គ្រួសារ

(ក្រចេះ)៖ ឯកឧត្ដម ជុំ កុសល ប្រធានក្រុមការរាជរដ្ឋាភិបាលចុះមូលដ្ឋានស្រុកឆ្លូង រួមនឹងឯកឧត្ដម វ៉ា ថន អនុប្រធានអចិន្ត្រៃយ៍ក្រុមការងាររាជរដ្ឋាភិបាលនៅព្រឹកថ្ងៃទី០២ ខែមករា ឆ្នាំ២០២៦ បានអញ្ជើញចុះជួបសំណេះសំណាលសួរសុខទុក្ខ និងនាំយកអំណោយគ្រឿងឧបភោគបរិភោគ និងថវិការបស់ឯកឧត្ដម នេត្រ ភក្ត្រា រដ្ឋមន្ត្រីក្រសួងព័ត៌មាននិងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ និងលោកជំទាវ ឯកឧត្ដម វ៉ា ថន អភិបាលខេត្តក្រចេះ និងលោកជំទាវ ចែកជូនដល់ជនភៀសសឹកសរុបចំនួន ២៣១ គ្រួសារ។

នៅក្នុងនោះ៖ *ឃុំខ្សាច់អណ្ដែត ចំនួន ៥៥គ្រួសារ *ឃុំពង្រ ចំនួន ១៦គ្រួសារ *ឃុំហាន់ជយ័ ចំនួន ៦៨គ្រួសារ *ឃុំឆ្លូងចំនួន ១២គ្រួសារ *ឃុំព្រែកសាម៉ាន់ ចំនួន ២៦គ្រួសារ *ឃុំកញ្ជរចំនួន ៣០គ្រួសារ ​*ឃុំដំរីផុងចំនួន ២៤គ្រួសារ ដោយមួយគ្រួសារៗ ទទួលបានអង្ករ ០១បេ ឃីត ១កញ្ចប់ ទឹកភេសជ្ជៈ ០១កេស និងថវិកា ចំនួន៤០.០០០៛៕