នារីរងគ្រោះម្នាក់ត្រូវបានអ្នករត់ផាស់អាប់ដាច់ដាប សុំរួមភេទកាត់កងលុយជំពាក់ថ្លៃជិះ រហូតបានសម្រេចលើកង់បី ខណៈមេការផ្ទះសំណាក់២នាក់ទៀត ក៏បានសុំនាងរួមភេទកាត់កងថ្លៃឈ្នួលបន្ទប់ផ្ទះសំណាក់ រហូតបានសម្រេចដូចគ្នា តែត្រូវនាងប្ដឹងឱ្យប៉ូលិសចាប់ខ្លួនទាំង៣នាក់ ពីបទ «រំលោភសេពសន្ថវៈ»
(កណ្ដាល)៖ ជនសង្ស័យ៣នាក់ ម្នាក់ជាអ្នករត់ផាស់អែប ២នាក់ទៀតជាមេការផ្ទះសំណាក់ត្រូវបាននារីម្នាក់ដាក់ពាក្យបណ្ដឹងកាលពីថ្ងៃទី២៨ ខែធ្នូ ឆ្នាំ២០២៥ ពីបទ «រំលោភសេពសន្ថវៈ» ដែលបានកើតឡើងកាលពីវេលាម៉ោង២២៖៣០នាទី ថ្ងៃទី២៦ ខែធ្នូ ឆ្នាំ២០២៥ នៅចំណុចក្នុងបន្ទប់ផ្ទះសំណាក់ ១កន្លែង បន្ទប់ លេខ B999 ស្ថិតក្នុងភូមិខ្ពបវែង សង្កាត់កំពង់សំណាញ់ ក្រុងតាខ្មៅ ខេត្តកណ្តាល។
ក្រោយទទួលបានពាក្យបណ្ដឹង កម្លាំងសមត្ថកិច្ចនគរបាលក្រុងតាខ្មៅបានស្រាវជ្រាវចុះទៅឃាត់ខ្លួនជនសង្ស័យទាំង៣នាក់ភ្លាមៗ ទី១. ឈ្មោះ ប៊ឹន យ៉ា អាយុ ២២ឆ្នាំ ជនសង្ស័យនេះ (វិជ្ជមាន) នូវសារធាតុញៀន (+) ស្នាក់នៅក្នុងភូមិខ្ពបវែង សង្កាត់កំពង់សំណាញ់ ក្រុងតាខ្មៅ ខេត្តកណ្តាល ។ ទី២. ឈ្មោះ ខុំ ខេង អាយុ ២០ឆ្នាំ ជនសង្ស័យនេះ (វិជ្ជមាន) នូវសារធាតុញៀន (+) ស្នាក់នៅក្នុងភូមិខ្ពបវែង សង្កាត់កំពង់សំណាញ់ ក្រុងតាខ្មៅ ខេត្តកណ្តាល ។
និងទី៣.ឈ្មោះ នន ចានត្រា អាយុ ៣២ឆ្នាំ ជនជាតិខ្មែរ មុខរបរ រត់កង់បី ស្នាក់នៅភូមិថ្នល់បំបែក សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ។
ជាមួយវត្ថុតាងចាប់យកបានមាន៖ ១. ម៉ូតូផាស់អាប់ (ម៉ូតូកង់បី) ១គ្រឿង ពណ៍ស ស្លាកលេខភ្នំពេញ 2LV- 9321, ២. ទូរសព្ទ័ដៃចំនួន ០២ គ្រឿង , និងសម្ភារៈប្រើប្រាស់គ្រឿងញៀនមួយចំនួនទៀត។
សមត្ថកិច្ចបានឱ្យដឹងថា មុនពេលកើតហេតុ នារីរងគ្រោះបាន Booking (ផាស់អាប់) របស់ឈ្មោះ នន ចាន់ត្រា ជិះចេញពីផ្ទះ នៅខណ្ឌពោធិសែនជ័យ ដើម្បីមកជួបបុរសជាសង្សា ឈ្មោះ ចេន វ៉ាន់ឌី អាយុ ២០ឆ្នាំ រស់នៅម្តុំរង្វង់មូលព្រែកសំរោង ក្រុងតាខ្មៅ ខេត្តកណ្តាល លុះពេលបានជួបគ្នាហើយ ក៏បន្តជិះចូលទៅផ្ទះសំណាក់ទីតាំងកើតហេតុ ខាងលើ។ ក្រោយមកនារីរងគ្រោះនិងសង្សាក៏បានរួមភេទជាមួយគ្នាបានសម្រេចរួចហើយ នារីរងគ្រោះក៏បានអោយបុរសដែលជាសង្សាខ្លួន ជិះផាស់អាប់របស់បុរសជនសង្ស័យខាងលេី ឈ្មោះ នន ចាន់ត្រា ជូនទៅរកទិញបាយហូប លុះបានបន្តិច បុរសជាអ្នករត់ផាស់អាប់ ក៏បានត្រឡប់មកប្រាប់នារីរងគ្រោះវិញថា សង្សារបស់នាងមិនមកវិញនោះទេ គឺគេទៅបាត់ហើយ គឺសង្សារនាងបោកនាងហើយ ។ ស្របពេលនោះ ជនសង្ស័យជាមេការផ្ទះសំណាក់ទាំង២នាក់ ក៏បានមកទារលុយថ្លៃបន្ទប់ជួល តែនារីរងគ្រោះគ្មានលុយអោយនោះទេ ទើបមេការផ្ទះសំណាក់ ក៏បាននិយាយថា បើអត់លុយអោយថ្លៃបន្ទប់ជួលនោះទេ អព្ជឹងមានតែរួមមេត្រី(កាត់កងគ្នាទៅ ដោយនារីរងគ្រោះ មានការភ័យខ្លាចគេចាប់ ក៏បានយល់ព្រមរួមភេទជាមួយមេការផ្ទះសំណាក់ទាំង២នាក់ រហូតបានសម្រេចតែម្ដងទៅ។ លុះបន្ទាប់ក្រោយមក នារីរងគ្រោះក៏បានអោយជនសង្ស័យទី៣ ជា(អ្នករត់ផាស់អាប់) ឈ្មោះ នន ចាន់ត្រា ឌុបខ្លួនទៅផ្ទះនៅខណ្ឌពោធិសែនជ័យវិញ តែនៅពេលជិះជិតដល់ផ្ទះ អ្នករត់ផាស់អាប់ ក៏បានទារលុយថ្លៃឈ្នួលចំនួន១០ម៉ឺនរៀល តែនារីរងគ្រោះ គ្មានលុយអោយនោះទេ ក៏ត្រូវអ្នករត់(ផាសអាប់) សុំរួមភេទជាមួយគ្នាដើម្បី (កាត់កងគ្នា) បន្ទាប់មកអ្នកទាំង២នាក់ ក៏បានព្រមព្រៀងរួមភេទ លើផាស់អាប់រហូតបានសម្រេចតែម្ដង ហើយក៏បានបែកគ្នាទៅផ្ទះរៀងៗខ្លួនទៅ។ លុះមកដល់ថ្ងៃទី២៨ ខែធ្នូ ឆ្នាំ២០២៥ នារីរងគ្រោះខាងលេី ក៏បានមកដាក់ពាក្យបណ្តឹងនៅ ប៉ុស្តិ៍នគរបាលកំពង់សំណាញ់ ដេីម្បីអោយសមត្ថកិច្ចជួយរកយុត្តិធម៌អោយខ្លួននាង។ លុះក្រោយទទួលបានពាក្យបណ្តឹងភ្លាមៗ ពីរនារីរងគ្រោះខាងលើ សមត្ថកិច្ចក៏បានចេញអន្តរាគមន៏ស្រាវជ្រាវ រហូតឈានទៅឃាត់ខ្លួនបុរសជាជនសង្ស័យទាំង ៣នាក់ យកមកសួរនាំតែម្តង។
ជនសង្ស័យទាំង៣នាក់បានឆ្លើយសារភាពប្រាប់ថា ពួកខ្លួន ពិតជាបានព្រមព្រៀងរួមភេទជាមួយនារីរងគ្រោះខាងលេី ជាថ្នូរនឹងការ(កាត់កង) ប្រាក់ជួលបន្ទប់ និងប្រាក់ជួលជិះម៉ូតូផាស់អាប់ពិតប្រាកដមែន។ បច្ចុប្បន្នជនសង្ស័យទាំង៣នាក់ ត្រូវបានឃាត់ខ្លួន នៅអធិការដ្ឋាននគរបាលក្រុងតាខ្មៅដើម្បីចាត់ការបន្តតាមនិតិវិធីច្បាប់៕
