អ្នកកាសែត AFP បានរាយការណ៍ថា ស្នូរសំឡេងគា្រប់កាំភ្លើងធំនៅតែបន្តលាន់ឮសូរ កងរំពងនៅតំបន់ព្រំដែនកម្ពុជា និងថៃ បើទោះជាមានការអំពាវនាវឱ្យមានបទឈប់បាញ់ក៏ដោយ
(សំរោង-កម្ពុជា)៖ អ្នកកាសែតនៃទីភ្នាក់ងារសារព័ត៌មាន AFP បានរាយការណ៍នៅថ្ងៃអាទិត្យ ទី២៧ ខែកក្កដា ថាស្នូរសំឡេងគា្រប់កាំភ្លើងធំនៅតែបន្តលាន់ឮសូរ កងរំពងនៅតំបន់ព្រំដែនកម្ពុជា និងថៃ បើទោះជាមានការអំពាវនាវឱ្យមានបទឈប់បាញ់ក៏ដោយ។
អ្នកកាសែត AFP នៅក្នុងស្រុកសំរោង នៃប្រទេសកម្ពុជាដែលស្ថិតនៅចម្ងាយ ២០គីឡូម៉ែត្រពីតំបន់ជម្លោះព្រំដែន បានឮសូរសំឡេងបាញ់ផ្លោងគ្រាប់កាំភ្លើងធំ ខណៈភាគីកម្ពុជាអះអាងថាទាហានថៃនៅតែបន្តឈ្លានពានលើទឹកដីកម្ពុជា។ កាលពីថ្ងៃសៅរ៍ ទី២៦ ខែកក្កដា ប្រធានាធិបតីអាមេរិក លោក ដូណាល់ ត្រាំ បាននិយាយថាកម្ពុជា និងថៃបានយល់ព្រមលើការចរចាបទឈប់បាញ់ ហើយលោកផ្ទាល់រំពឹងថាភាគីទាំង២ អាចនឹងឈានដល់បទឈប់បាញ់ឆាប់ៗ៕