អធិការរងខណ្ឌដង្កោម្នាក់ត្រូវបានគេអះអាងថា បានដកាំភ្លើងបាញ់មេឃគំរាមគាត់!
(ភ្នំពេញ)៖ អធិការរងម្នាក់នៃអធិការដ្ឋាននគរបាលខណ្ឌដង្កោ រាជធានីភ្នំពេញត្រូវបានយុវជនម្នាក់់អះអាងថា បានដកកាំភ្លេីងបាញ់ឡេីងទៅលេីចំនួន១គ្រាប់ ដេីម្បីគំរាមខ្លួនបន្ទាប់ពីខ្លួនគ្រាន់តែជិះម៉ូតូកាត់កន្លែងខ្លួនផឹកសុី។
យុវជនខាងលើបន្តថា លោកអធិការងខាងលើបានចោទប្រកាន់គាត់ថា គាត់បានជិះម៉ូតូលឿងក្នុងភូមិ ។
ប្រភពបានបន្តថា ហេតុការណ៍ខាងលើនេះ បានបង្កឲ្យមានការភ្ញាក់ផ្អើលកាលពីវេលាម៉ោង១០ជាងយប់ ថ្ងៃទី៣០ ខែមិថុនា ឆ្នាំ២០២៥ ស្ថិតតាមបណ្ដោយផ្លូវបេតុង ភូមិកន្ទោកជេីង សង្កាត់កន្ទោក ខណ្ឌកំបូល រាជធានីភ្នំពេញ។
បច្ចុប្បន្នភាគីទាំងសងខាង ត្រូវសមត្ថកិច្ចអញ្ជើញទៅប៉ុស្តិ៍ដេីម្បីធ្វេីការសួរនាំ និងបន្តតាមនីតិវិធីច្បាប់។
គួរជម្រាបជូនថា គិតត្រឹមព្រឹកថ្ងៃនេះ អង្គភាព The Mirror News មិនទាន់ទទួលបានពីឈ្មោះរបស់លោកអធិការរងខណ្ឌដង្កោនៅឡើយ។ អង្គភាពយើងនឹងបន្តធ្វើការផ្សព្វផ្សាយព័ត៌មានលម្អិតនៅពេលបន្ទាប់៕
