លោកស្នងការ ឈឿន សុចិត្ត ដឹកនាំកិច្ចប្រជុំអនុវត្តផែនការការពារសន្តិសុខ និងសណ្ដាប់ធ្នាប់ជូនថ្នាក់ដឹកនាំរាជរដ្ឋាភិបាល

(កណ្ដាល)៖ ស្នងការនគរបាលខេត្តកណ្តាល លោកឧត្ដមសេនីយ៍ទោ ឈឿន សុចិត្ត នៅរសៀលថ្ងៃពុធ ទី២៥ ខែមិថុនា ឆ្នាំ២០២៥ នៅទីបញ្ជាការស្រាលក្បែរបណ្ឌិត្យសភានគរបាលកម្ពុជារួមជាមួយលោក ណុប តារា អភិបាលរងខេត្តកណ្ដាលបានដឹកនាំកិច្ចប្រជុំអនុវត្តផែនការការពារសន្តិសុខ សណ្តាប់ធ្នាប់ក្នុងពិធីប្រគល់សញ្ញាបត្រជូននិស្សិតថ្នាក់បណ្ឌិត ថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ នៅបណ្ឌិត្យសភានគរបាលកម្ពុជា ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

នៅក្នុងកិច្ចប្រជុំដ៏មានសារៈសំខាន់ក៏មានការអញ្ជើញចូលរួមពី លោកនាយការិយាល័យជំនាញពាក់ព័ន្ធ, លោកអធិការនគរបាលស្រុក/ក្រុងពាក់ព័ន្ធ
និងលោកមេបញ្ជាការវរៈសេនាតូចនគរបាលការពារព្រំដែនគោកលេខ៦០៥ផងដែរ។

គួរជម្រាបជូនថា នៅថ្ងៃស្អែកនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជានឹងអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រគល់សញ្ញាបត្រជូននិស្សិតថ្នាក់បណ្ឌិត ថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ នៅបណ្ឌិត្យសភានគរបាលកម្ពុជា៕