លោកស្នងការរង ឡាក់ ម៉េងធី អញ្ជើញចូលរួមសិក្ខាសាលាស្តីពីការប្រឆាំងការសម្អាតប្រាក់ និងហិរញ្ញប្បទានដល់ការរីកសាយភាយអាវុធមហាប្រល័យ

(កណ្ដាល)៖ លោកឧត្តមសេនីយ៍ត្រី ឡាក់ ម៉េងធី ស្នងការរងទទួលផែនការងារព្រហ្មទណ្ឌ នាព្រឹកថ្ងៃចន្ទ ទី២៦ ខែឧសភា ឆ្នាំ២០២៥នេះ ត្រូវបានលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាលចាត់ជាតំណាងដឹកនាំកម្លាំងនគរបាលជំនាញពាក់ព័ន្ធអញ្ជើញចូលរួមសិក្ខាសាលាស្តីពី «ការប្រឆាំងការសម្អាតប្រាក់ និងហិរញ្ញប្បទានដល់ការរីកសាយភាយអាវុធមហាប្រល័យ» ក្រោមអធិបតីភាពលោកនាយឧត្តមសេនីយ៍ ប៉ោ ភក្តិ រដ្ឋលេខាធិការក្រសួងមហាផ្ទៃ ក្នុងពិធីបើក។

លោកឧត្តមសេនីយ៍ត្រី ឡាក់ ម៉េងធី បានដឹកនាំកម្លាំងនគរបាលជំនាញពាក់ព័ន្ធចូលរួមសិក្ខាសាលាខាងលើនេះ តាមរយៈប្រព័ន្ធកម្មវិធី «ZOOM» នៅបន្ទប់ប្រជុំគណៈស្នងការ នៃស្នងការដ្ឋាននគរបាលខេត្តកណ្តាលរយៈពេល០១ថ្ងៃនេះ។

គួរជម្រាបជូនថា នៅក្នុងពិធីបិទអង្គសិក្ខាសាលាស្តីពី«ការប្រឆាំងការសម្អាតប្រាក់ និងហិរញ្ញប្បទានដល់ការរីកសាយភាយអាវុធមហាប្រល័យ»ខាងលើនេះ នឹងប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ៕