ឯកឧត្តម នាយឧត្តមសេនីយ៍ ឈន សារ៉ាណេ ដឹកនាំក្រុមការងារបង្ហាញការងារសាងសង់អគាររដ្ឋបាលសាលាខេត្តស្វាយរៀងថ្មី

(ស្វាយរៀង)៖ នាព្រឹកថ្ងៃសុក្រ ទី២៥ ខែកញ្ញា ឆ្នាំ២០២៦ ឯកឧត្តម នាយឧត្តមសេនីយ៍ ឈន សារ៉ាណេ អនុរដ្ឋលេខាធិការ ក្រសួងមហាផ្ទៃ បានដឹកនាំក្រុមការងារ ធ្វើបទបង្ហាញស្តីពីការងារសាងសង់អគាររដ្ឋបាលសាលាខេត្តស្វាយរៀងថ្មី។

ពិធីនេះបានប្រព្រឹត្តទៅនៅសាលប្រជុំសាលាខេត្តស្វាយរៀង ដោយមានការចូលរួមពី ឯកឧត្តម ប៉េង ពោធិ៍សា អភិបាល នៃគណៈអភិបាលខេត្តស្វាយរៀង និងអង្គភាពជំនាញពាក់ព័ន្ធជុំវិញខេត្ត។

អគាររដ្ឋបាលសាលាខេត្តស្វាយរៀងថ្មី មានទីតាំងស្ថិតនៅសង្កាត់ស្វាយរៀង ក្រុងស្វាយរៀង ខេត្តស្វាយរៀង។

កិច្ចប្រជុំនេះផ្តោតលើការបង្ហាញព័ត៌មាន និងការងារពាក់ព័ន្ធនឹងគម្រោងសាងសង់ ដើម្បីបន្តសម្របសម្រួលការងាររវាងក្រុមការងារ និងអង្គភាពជំនាញពាក់ព័ន្ធ ឱ្យដំណើរការសាងសង់ប្រព្រឹត្តទៅតាមផែនការ និងតម្រូវការបច្ចេកទេស៕