លោក ឈន សុខមានហេង៖ ដឹកនាំដោយចក្ខុវិស័យ រួមគ្នាសម្រេចគោលដៅបន្តបន្ទាប់

(ភ្នំពេញ)៖ លោក ឈន សុខមានហេង អគ្គនាយករង នៃសម្បត្តិ មានហេង គ្រុប កាលពីថ្ងៃទី៥ ខែសីហា ឆ្នាំ២០២៦ បានដឹកនាំកិច្ចប្រជុំគណៈគ្រប់គ្រងប្រចាំខែសីហា របស់បុរី សម្បត្តិ មានហេង ៣ ដើម្បីតាមដានវឌ្ឍនភាពការងារ វាយតម្លៃលទ្ធផលដែលសម្រេចបាន ពិភាក្សាលើបញ្ហាប្រឈម និងកំណត់ទិសដៅការងារសំខាន់ៗសម្រាប់អនុវត្តបន្ត។

ក្នុងកិច្ចប្រជុំ លោកអគ្គនាយករងបានផ្តល់អនុសាសន៍ និងការណែនាំដល់ថ្នាក់ដឹកនាំ និងក្រុមការងារគ្រប់ផ្នែក ឱ្យបន្តពង្រឹងស្មារតីទទួលខុសត្រូវ បង្កើនកិច្ចសហការប្រកបដោយប្រសិទ្ធភាព និងអនុវត្តការងារឱ្យកាន់តែមានគុណភាព ដើម្បីសម្រេចបាននូវគោលដៅរួម និងជំរុញឱ្យក្រុមហ៊ុនបន្តអភិវឌ្ឍប្រកបដោយស្ថិរភាព និងភាពរឹងមាំ។

លោក ឈន សុខមានហេង បានគូសបញ្ជាក់ថា ភាពជោគជ័យរបស់អង្គភាព គឺកើតចេញពីការដឹកនាំប្រកបដោយចក្ខុវិស័យ ការរៀបចំផែនការច្បាស់លាស់ ការសម្រេចចិត្តទាន់ពេលវេលា និងការចូលរួមខិតខំប្រឹងប្រែងរបស់ក្រុមការងារទាំងមូល។

សូមបញ្ជាក់ថា កិច្ចប្រជុំនេះ មានការចូលរួមពីលោកអនុប្រធានគ្រប់គ្រងទូទៅ ព្រមទាំងប្រធាន និងអនុប្រធានផ្នែកទាំងអស់ នៃបុរី សម្បត្តិ មានហេង ៣ ដោយបានបង្ហាញពីការប្តេជ្ញាចិត្តរួមគ្នា ក្នុងការបន្តពង្រឹងគុណភាពការងារ និងសម្រេចគោលដៅអភិវឌ្ឍន៍របស់ក្រុមហ៊ុនឱ្យកាន់តែប្រសើរឡើង។

ព័ត៌មានបន្ថែម៖

● 095 333 100
● 095 333 920
● 010 333 710