ផ្ទះសំណាក់ «យីហោ 958» របស់ជនជាតិវៀតណាម នៅក្រុងសំពៅពូនលួចបើកដំណើរការអស់រយះពេលជាយូរណាស់មកហើយ ប៉ុន្តែមិនមានច្បាប់អនុញ្ញាតអាជីវកម្មពីមន្ទីរទេសចរណ៍ខេត្តកណ្ដាលនៅឡើយនោះទេ!

(កណ្ដាល)៖ ផ្ទះសំណាក់ «យីហោ 958» របស់ជនជាតិវៀតណាម នៅក្រុងសំពៅពូនលួចបើកដំណើរការអស់រយះពេលជាយូរណាស់មកហើយ ប៉ុន្តែមិនមានច្បាប់អនុញ្ញាតអាជីវកម្មពីមន្ទីរទេសចរណ៍ខេត្តកណ្ដាលនៅឡើយនោះទេ។ នេះបើតាមប្រភពដែលអង្គភាព The Mirror News ទទួលបាននៅថ្ងៃទី១៤ ខែកុម្ភៈ ឆ្នាំ២០២៦នេះ។

ប្រភពបានឱ្យដឹងថា ម្ចាស់ផ្ទះសំណាក់ ឈ្មោះ NGUYEN THI MINH THANH ភេទស្រី កើតថ្ងៃទី០១ ខែមករា ឆ្នាំ១៩៩០ ជាជនជាតិវៀតណាម កាន់លិខិតឆ្លងដែនលេខ C9009166 ផ្ទះសំណាក់មាន ០៣ជាន់ ស្មើនឹងចំនួន ០៧បន្ទប់ ស្ថិតនៅភូមិជ្រៃធំ សង្កាត់សំពៅពូន ក្រុងសំពៅពូន ខេត្តកណ្ដាល។

ទាក់ទិនករណីផ្ទះសំណាក់អត់ច្បាប់ខាងលើនេះ លោក ជួប សោភ័ណ្ឌ ប្រធានមន្ទីរទេសចរណ៍ខេត្តកណ្ដាលបានប្រាប់ឱ្យអង្គភាព​ The Mirror News ដឹងនៅថ្ងៃនេះថា លោកនឹងចាត់មន្ត្រីជំនាញចុះទៅពិនិត្យផ្ទះសំណាក់ខាងលើនេះ នៅថ្ងៃច័ន្ទសប្ដាហ៍ក្រោយនេះហើយ៕