លោកស្នងការ ឈឿន សុចិត្ត បានបញ្ជាដល់កម្លាំងនគរបាលទូទាំងខេត្តបន្តចុះជួយសម្រួលចរាចរណ៍ជាប្រចាំ តាមបណ្ដាសាលារៀន និងចំណុចដងផ្លូវសំខាន់ៗក្នុងខេត្តកណ្តាល ជូនប្រជាពលរដ្ឋ ដើម្បីធានាសុវត្ថិភាពក្នុងការធ្វើដំណើរ
(កណ្ដាល)៖ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល នៅថ្ងៃពុធ ទី៤ ខែកុម្ភៈ ឆ្នាំ២០២៦នេះ បានបញ្ជាដល់កម្លាំងនគរបាលទូទាំងខេត្តបន្តចុះជួយសម្រួលចរាចរណ៍ជាប្រចាំ តាមបណ្ដាសាលារៀន និងចំណុចដងផ្លូវសំខាន់ៗក្នុងខេត្តកណ្តាល ជូនប្រជាពលរដ្ឋ ដើម្បីធានាសុវត្ថិភាពក្នុងការធ្វើដំណើរ ជាពិសេសសិស្សសាលាតូចងាយស្រួលឆ្លងផ្លូវចូល និងចេញពីសាលារៀន ដើម្បីបញ្ចៀសគ្រោះថ្នាក់ចរាចរណ៍ដែលអាចកើតមានឡើងជាយថាហេតុ។
បន្ថែមពីនេះ ស្នងការដ្ឋាននគរបាលខេត្តកណ្តាល សូមអំពាវនាវដល់បងប្អូនប្រជាពលរដ្ឋ ជាអ្នកដំណើរតាមដងផ្លូវក្នុងខេត្តកណ្តាល សូមបើកបរដោយមានការទទួលខុសត្រូវ និងគោរពច្បាប់ចរាចរណ៍ឱ្យបានខ្ជាប់ខ្ជួន បើកបរដោយការចេះយោគយល់អធ្យាស្រ័យគ្នាទៅវិញទៅមក កុំបើកបរក្នុងស្ថានភាពស្រវឹង ជាពិសេសសូមមេត្តាបន្ថយល្បឿន និងបង្កើនការប្រុងប្រយ័ត្ន នៅចំណុចមុខសាលារៀនជាពិសេសពេលសិស្សចេញពីសាលារៀន និងទីប្រជុំជននានាដែលងាយនឹងកើតមានគ្រោះថ្នាក់ចររាចរណ៍គ្រប់ពេលវេលា៕
