ក្រុមក្មេងទំនើង និងអ្នកលេងដាវ ៤នាក់ ឆ្លងឆ្នាំចាស់អត់ផុត ត្រូវបានប៉ូលិសស្រុកភ្នំស្រូចចាប់ឃាត់ខ្លួន!
(កំពង់ស្ពឺ)៖ ដោយអនុវត្តនូវបទបញ្ជាយ៉ាងហ្នឺងម៉ាត់ពីយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ យប់ថ្ងៃទី ១ ខែមករា ឆ្នាំ២០២៦ វេលាម៉ោង០០និង១០នាទី លើផ្លូវជាតិលេខ៤ ចន្លោះគីឡូម៉ែត្រ (៥៨-៥៩) ភូមិព្រៃស្ដុក ឃុំមហាសាំង ស្រុកភ្នំស្រួច មានករណីហិង្សាដោយចេតនាបង្កដោយក្រុមក្មេងទំនើង(ប្រេីកាំបិតកែច្នៃកាប់) បង្កឡេីងដោយជនសង្ស័យ ២នាក់ ជិះម៉ូតូ១គ្រឿង។
ចំណែកជនរងគ្រោះជិះម៉ូតូ១គ្រឿង ម៉ាកនិច២ ពណ៌សពាក់ផ្លាកលេខសៀមរាប 1AE-6876 ទិសដៅពីកើតទៅលិច ឈ្មោះ សូវ វិរៈ ភេទប្រុស អាយុ២៣ឆ្នាំ(មិនមានរបួស) ឌុបឈ្មោះ សុន ចាន់ណាក់ ភេទប្រុស អាយុ២៦ឆ្នាំ(របួសដៃខាងឆ្វេងដេរ១០ថ្នេរ) ទាំង២នាក់រស់នៅភូមិខ្នងក្រាំង ឃុំតាំងសំរោង ស្រុកភ្នំស្រួច។
ដោយបានការបញ្ជាពី លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ លោកវរសេនីយ៍ទោ ជុន ចន្ទដេត អធិការនគរបាលស្រុកភ្នំស្រួច បានដឹកនាំកំលាំងចុះប្រតិបត្ដិការធ្វេីការស្រាវជ្រាវនិងឈានទៅធ្វេីការឃាត់ខ្លួន អ្នកពាក់ព័ន្ធ សង្ស័យក្រុមប្រព្រឹត្ដ ៤នាក់ នៅចំណុចផ្លូវកៅស៊ូ ភូមិសំបួរ ឃុំមហាសាំង៖ *១-ឈ្មោះ សូ សុវណ្ណារាជ ភេទប្រុស អាយុ១៦ឆ្នាំ រស់នៅភូមិទួល ឃុំមហាសាំង ស្រុកភ្នំស្រួច (ជា
ម្ចាស់ម៉ូតូនិងម្ចាស់កាំបិតកែច្នៃ) *២-ឈ្មោះ ខុម ដានុន ភេទប្រុស អាយុ១៥ឆ្នាំ រស់នៅភូមិព្រៃស្តុក ឃុំមហាសាំង ស្រុកភ្នំស្រួច *៣-ឈ្មោះ ញ៉ម បូរ៉ា ភេទប្រុស អាយុ១៧ឆ្នាំ រស់នៅភូមិស្លែង ឃុំមហាសាំង ស្រុកភ្នំស្រួច *៤-ឈ្មោះ ប៊ុន ថេតសុវណ្ណរ័ត្ន ភេទប្រុស អាយុ១៥ឆ្នាំ រស់នៅភូមិទួលសុភី ឃុំតាំងក្រូច ស្រុកសំរោងទង ខេត្តកំពង់ស្ពឺ។
តាមចម្លើយឈ្មោះ សូ សុវណ្ណារាជ ជិះម៉ូតូ១គ្រឿង ម៉ាកហុងដា សេ១២៥ ពណ៌ខ្មៅ គ្មានផ្លាកលេខ ឌុបឈ្មោះ ប៊ុន ថេតសុវណ្ណរ័ត្ន(អ្នកកាន់កាំបិត) បើកពីកើតទៅលិចតាមផ្លូវជាតិលេខ៤ បានកាប់លើជនរងគ្រោះរួចជិះគេចទៅភូមិទួល ឃុំមហាសាំង។ សមត្ថកិច្ចបានដកហូត៖ ម៉ូតូ០១គ្រឿង ម៉ាកហុងដា សេ ១២៥ ពណ៌ខ្មៅ គ្មានផ្លាកលេខ, កាំបិតកែច្នៃ០១ដើម។
បច្ចុប្បន្នអ្នកគុននិយមទាំង៤នាក់ ជំនាញនៃអធិការនគរបាលស្រុកភ្នំស្រួចបានបញ្ជូនទៅស្នងការដ្ឋានចាត់ការតាមនីតិវិធី៕
