ក្រុមប៉ូលិសខេត្តបាត់ដំបងឃាត់ខ្លួនមុខសញ្ញាបាន៣នាក់ពាក់ព័ន្ធគ្រឿងញៀន!

(បាត់ដំបង)៖ ដោយអនុវត្តនូវបទបញ្ជាយ៉ាងហ្មឹងម៉ាត់ពីនាយឧត្តមសេនីយ៍ ស ថេត អគ្គស្នងការនគរបាលជាតិ អនុវត្តតាមយោបល់ដឹកនាំរបស់ លោកឧត្តមសេនីយ៍ទោ ដាញ់ អេងប៊ុនចាន់ ស្នងការ នៃស្នងការដ្ឋាននគរបាលខេត្តបាត់ដំបង រួមនឹងយោបល់របស់លោកវរសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀន នៅថ្ងៃទី៣១ ខែធ្នូ ឆ្នាំ២០២៥ វេលាម៉ោង១៦៖១៥នាទី នៅចំណុចភូមិគោកត្រប់ ឃុំតាម៉ឺន ស្រុក ថ្មគោល ខេត្តបាត់ដំបង កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តបាត់ដំបង ដឹកនាំដោយលោកវរសេនីយ៍ទោ ប៉ាន ចាន់រិទ្ធ នាយការិយាល័យនគរបាលប្រឆាំងគ្រឿងបានចុះប្រតិបត្តិការបង្ក្រាបបានករណីជួញដូរ ដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង។

ក្នុងកិច្ចប្រតិបត្តិការនេះ សមត្ថកិច្ចឃាត់ខ្លួនជនសង្ស័យ២នាក់៖ ១-ឈ្មោះ ឡាំ ចិនអាន ហៅបារាំង ភេទប្រុស អាយុ៣២ឆ្នាំ មានទីលំនៅភូមិគោកត្រប់ ឃុំតាម៉ឺន ស្រុកថ្មគោល ខេត្តបាត់ដំបង, ២-ឈ្មោះ ហួ ហៃ ភេទប្រុស អាយុ២៣ឆ្នាំ មានទីលំនៅភូមិគោកត្រប់ ឃុំតាម៉ឺន ស្រុកថ្មគោល ខេត្តបាត់ដំបង និង៣-ឈ្មោះ នី គា ភេទប្រុស អាយុ២២ឆ្នាំ មានទីលំនៅភូមិគោកត្រប់ ឃុំតាម៉ឺនស្រុកថ្មគោល ខេត្តបាត់ដំបង។

វត្ថុតាងចាប់យកបានរួមមាន៖ ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០១ថង់ ទម្ងន់ ៩៨,៥៦ក្រាម, ទូរស័ព្ទដៃចំនួន ០៤គ្រឿង និងកាបូបដាក់ប្រាក់ចំនួន០២។

បច្ចុប្បន្ន សមត្ថកិច្ចជំនាញកំពុងកសាងសំណុំរឿងបញ្ជូនជនសង្ស័យ ខាងលើទៅសាលាដំបូងខេត្តបាត់ដំបង ដើម្បីអនុវត្តបន្តតាមនីតិវិធី៕