មេប៉ុស្តិ៍ក្បាលដំរី នៅស្រុកអូរគ្រៀងសែនជ័យ ត្រូវបានសមត្ថកិច្ចជំនាញចាប់ឃាត់ខ្លួនពាក់ព័ន្ធករណី «គ្រឿងញៀន»

(ក្រចេះ)៖ នាយប៉ុស្តិ៍រដ្ឋបាលឃុំក្បាលដំរី នៅស្រុកអូរគ្រៀងសែនជ័យ ត្រូវបានកម្លាំងជំនាញនៃស្នងការដ្ឋាននគរបាលខេត្តក្រចេះចាប់ឃាត់ខ្លួនដោយកម្លាំងកាលពីល្ងាច ថ្ងៃទី២៩ ខែធ្នូ ឆ្នាំ២០២៥ ពាក់ព័ន្ធករណីគ្រឿងញៀន។ នេះបើតាមប្រភពដែលអង្គភាព The Mirror News​ ទើបទទួលបាននៅព្រឹកថ្ងៃទី៣១ ខែធ្នូ ឆ្នាំ២០២៥នេះ។

ប្រភពពីខេត្តក្រចេះបានឱ្យអ្នកសារព័ត៌មានដឹងកាលពីនៅថ្ងៃទី៣០ ខែធ្នូ ឆ្នាំ២០២៥ម្សិលមិញថា កម្លាំងជំនាញកំពុងបន្តនីតិវិធីនិងអនុវត្តតាមច្បាប់។

ប្រភពបានឱ្យដឹងទៀតថា នាយប៉ុស្តិ៍រដ្ឋបាលឃុំក្បាលដំរី ឈ្មោះ ហម យូ អត្តលេខ: 73745 ឋានន្តរស័ក្តិអនុសេនីយ៍ឯក ដែលមានឋានៈជានាយប៉ុស្តិ៍នគរបាលរដ្ឋបាលក្បាលដំរី ដែលមានអាស័យដ្ឋាននៅភូមិស្រែស្បូវ ឃុំក្បាលដំរី ស្រុកសំបូរ ខេត្កក្រចេះ។

ប្រភពបានបញ្ជាក់ថា បច្ចុប្បន្នជនសង្ស័យខាងលើ កំពុងត្រូវបានឃាត់ខ្លួននៅស្នងការដ្ឋាននគរបាលខេត្តក្រចេះ ដើម្បីសាកសួរ និងចាត់ការបន្តតាមនីតិវិធីច្បាប់។

ពាក់ព័ន្ធករណីខាងលើនេះ អង្គភាព The Mirror News នៅមិនទាន់បានទទួលការបំភ្លឺច្បាស់ការណ៍ពីអ្នកនាំពាក្យនៃស្នងការដ្ឋាននគរបាលខេត្តក្រចេះនៅឡើយនោះទេ ព្រោះយើងខ្ញុំពុំមានលេខទូរស័ព្ទដែលអាចទំនាក់ទំនងបាន ប៉ុន្តែ The Mirror News នៅរង់ចាំទទួលការបំភ្លឺពីគ្រប់ភាគីពាក់ព័ន្ធករណីខាងលើនេះ រៀងរាល់ម៉ោងធ្វើការ៕