ស្របពេលថៃមិនទាន់ដោះលែងទាហានទាំង១៨រូបនៅឡើយ,លោកស្រី បាន ស្រីមុំ អំពាវនាវប្រជាពលរដ្ឋរក្សាភាពស្ងៀមស្ងាត់ ជៀសវាងការជួបជុំបង្កចលាចលនៅតាមបន្ទាត់ព្រំដែន!
(ប៉ៃលិន)៖ អភិបាលនៃគណៈអភិបាលខេត្តប៉ៃលីន លោកស្រី បាន ស្រីមុំ នៅថ្ងៃទី៣០ ខែធ្នូ ឆ្នាំ២០២៥ បានអំពាវនាវដល់ប្រជាពលរដ្ឋមូលដ្ឋានរក្សាភាពស្ងៀមស្ងាត់ ជៀសវាងការជួបជុំ ង្កចលាចលនៅតាមបន្ទាត់ព្រំដែន ព្រោះថៃមិនទាន់ដោះលែងទាហានទាំង ១៨រូបនៅឡើយ។
បើតាមសំណេររបស់លោកស្រី, មកដល់ម៉ោងនេះអាជ្ញាធរខេត្តប៉ៃលិន ក៏មិនទាន់ទទួលបានព័ត៌មានអំពីយុទ្ធជន១៨រូបនោះទេ សូមមេត្តាកុំមកជួបជុំបង្កជាបញ្ហាចលាចលនៅទីតាំងព្រំដែនជាដាច់ខាត សូមមេត្តារក្សាភាពស្ងៀមស្ងាត់ ក្នុងនាមរដ្ឋបាលខេត្ត នឹងផ្តល់ព័ត៌មានពិតជូនបងប្អូនដើម្បីជ្រាប និងដើម្បីចូលរួមទទួលស្វាគមន៍បងប្អូនយុទ្ធជនយើង ទាំងអស់គ្នានៅពេលវេលាច្បាស់លាស់៕