មន្ត្រីមន្ទីរសាធារណការខេត្តកណ្ដាល ឈ្មោះ អ៊ឹម គឹមសួរ កំពូលឈ្លើយ គ្មានក្រមសីលធម៌វិជ្ជាជីវៈជាមន្ត្រីរាជការ

(កណ្ដាល)៖ លោក អ៊ឹម គឹមសួរ ត្រូវបានគេស្គាល់ថា ជាមន្ត្រីមួយរូបមានតួនាទីជាអនុប្រធានការិយាល័យនៃមន្ទីរសាធារណការ និងដឹកជញ្ជូនខេត្តកណ្តាល ពូកែខាង វ៉ៃអែប ស៊ីអប ថ្នាក់លើ ហើយក៏ជាមន្ត្រីដែលគ្មានក្រមសីលធម៌វិជ្ជាជីវៈ ឈ្លើយច្រឡើសបើស មានឥរិយាបថ អាកប្បកិរិយាមិនសមរម្យនៅកន្លែងបំពេញការងារ ដោយមិនគោរព និងមិនឱ្យតម្លៃដល់មន្ត្រីដទៃទៀត ទោះបីអ្នកចាស់ជាងខ្លួនក៏ដោយ។ នេះបើតាមប្រភពព័ត៌មានដែលបណ្ដាញសារព័ត៌មានយើងទទួលបាននៅថ្ងៃទី០២ ខែធ្នូ ឆ្នាំ២០២៥នេះ។

ប្រភពបានបន្តថា ខ្លួនជាមន្ត្រីតែខ្វះក្រមសីលធម៌វិជ្ជាជីវៈ មានឥរិយបថ និងអាកប្បកិរិយាច្រឡោងខាម សំដីអសុរោះ ធ្វើឱ្យ ប៉ះពាល់ដល់កិត្តិយស សេចក្តីថ្លៃថ្នូរ ដែលត្រូវទទួលបានការដាក់វិន័យរដ្ឋបាលយ៉ាងតឹងរុឹងបំផុត ឬបញ្ឈប់ពីក្របខណ្ឌតែម្តង ចៀសវាងមានអ្នកយកគំរូតាម។

ប្រភពបានបន្តទៀតថា នៅការិយាល័យធ្វើការ មន្ត្រីឈ្មោះ អ៊ឹម គឹមសួរ នេះ តែងអង្គុយ រួចយកជើងទាំងពីររបស់ខ្លួនដាក់លើតុការិយាល័យ ទោះបីក្នុងបន្ទប់មានមន្ត្រីផ្សេងទៀតកំពុងបំពេញការងារក៏ដោយ ដែលទាំងនេះជាអាកប្បកិរិយាច្រងេងច្រងាង គ្មានសីលធម៌ មិនសមជាមន្ត្រីដែលបម្រើសេវាសាធារណៈជូនប្រជាពលរដ្ឋ ក្នុងនាមមហាជនទូទៅ សូមស្នើលោកប្រធានមន្ទីរសាធារណការ និងដឹកជញ្ជូនខេត្តកណ្តាលថ្មី ក្រសួងសាធារណការ និងដឹកជញ្ជូន ក្រសួងមុខងារសាធារណៈ ពិសេសរដ្ឋបាលខេត្តកណ្តាលដែលជាអាណាព្យាបាលផ្ទាល់នៅថ្នាក់ក្រោមជាតិមេត្តាជួយ ពិនិត្យ អប់រំ ណែនាំ និងដាក់វិន័យរដ្ឋបាលដល់មន្ត្រីទំនើងរូបនេះ ចៀសវាងមានមន្ត្រីរាជការស៊ីវិលដទៃទៀតយកគម្រូតាម។ លើសពីនេះ សូមថ្នាក់លើ កុំចេះតែតែងតាំងមន្ត្រីពូកែវ៉ៃអែប ស៊ីអបថ្នាក់លើ ពូកែសែន យកចិត្ត យកថ្លើមខ្លួន ទោះគ្មានសមត្ថភាពគ្រប់គ្រាន់ និងគ្មានក្រមសីលធម៌ វិជ្ជាជីវៈ ដែលប៉ះពាល់យ៉ាងខ្លាំងដល់ដំណើរការកែទម្រង់ស្ថាប័នទាំងថ្នាក់ជាតិ និងថ្នាក់ក្រោមជាតិ របស់រាជរដ្ឋាភិបាលអណ្ណត្តិទី៧។

ពាក់ព័ន្ធករណីនេះ បណ្ដាញសារព័ត៌មានយើង​ ពុំអាចសុំការបំភ្លឺពីលោក អ៊ឹម គឹមសួរ ជាមន្ត្រីមួយរូបមានតួនាទីជាអនុប្រធានការិយាល័យនៃមន្ទីរសាធារណការ និងដឹកជញ្ជូនខេត្តកណ្តាលបាននោះទេ ដោយពុំមានលេខទូរស័ព្ទ ឬបណ្ដាញសង្គមដែលអាចធ្វើការទំនាក់ទំនងបាន៕IMG_1621