កម្លាំងអាជ្ញាធរខេត្តកណ្ដាលចុះឃាត់ខ្លួនជនសង្ស័យ១នាក់ ពាក់ព័ន្ធករណីលេងល្បែងអនឡាញមាន់ជល់ខុសច្បាប់នៅសង្កាត់តាខ្មៅ ក្រុងតាខ្មៅ

(កណ្តាល)៖ កម្លាំងអាជ្ញាធរខេត្តកណ្ដាល និងមានការសម្របសម្រួលនីតិវិធីពីលោកស្រីព្រះរាជអាជ្ញារងអមសាលាដំបូងខេត្ត កាលពីថ្ងៃទី១១ ខែវិច្ឆិកា ឆ្នាំ២០២៥ បានចុះបង្រ្កាបជាក់ស្តែងទីតាំងលេងល្បែងស៊ីសងខុសច្បាប់ (អនឡាញមាន់ជល់) មួយកន្លែង ស្ថិតក្នុងស្ថិតក្នុងសង្កាត់តាខ្មៅ ក្រុងតាខ្មៅ ខេត្តកណ្តាល បានឃាត់ខ្លួនជនសង្ស័យ ចំនួន១នាក់ យកមកអង្គភាពដើម្បីសាកសួរ។ ដោយបានដកហូតវត្ថុតាងកំព្យូទ័រចំនួន០១គ្រឿងផងដែរ។

ជនសង្ស័យ និង វត្ថុតាងសមត្ថកិច្ចកងរាជអាវុធហត្ថខេត្តកណ្តាលបានកសាងសំណុំរឿង បញ្ជូនទៅសាលាដំបូងខេត្តតាមនីតិវិធី។

បច្ចុប្បន្នជនសង្ស័យខាងលើ ត្រូវសាលាដំបូងខេត្តកណ្ដាលចេញដីកាបង្គាប់ឱ្យឃុំខ្លួនបណ្ដោះអាសន្ននៅពន្ធនាគារខេត្តកណ្ដាលហើយ៕