ឧត្តមសេនីយត្រី ម៉េង ស៊្រុន បន្តដឹកនាំក្រុមការងារចុះជួយគ្រួសារខ្វះខ្នាត២គ្រួសារ នៅក្រុងឧដុង្គម៉ែជ័យ បង្ហាញពីទឹកចិត្តមនុស្សធម៌ដ៏ប្រពៃ

(កំពង់ស្ពឺ)៖ ក្នុងស្មារតីមនុស្សធម៌ និងការចែករំលែកក្តីស្រឡាញ់ ដល់ប្រជាពលរដ្ឋជួបការលំបាក លោកឧត្តមសេនីយត្រី ម៉េង ស៊្រុន មេបញ្ជាការ កងរាជអាវុធហត្ថខេត្តកំពង់ស្ពឺ បានបន្ត ដឹកនាំក្រុមការងារ ចុះសួរសុខទុក្ខ និងនាំយកថវិកា ព្រមទាំងគ្រឿងឧបភោគបរិភោគ ប្រគល់ជូនគ្រួសារខ្វះខាត ចំនួន២គ្រួសារ នៅក្រុងឧដុង្គម៉ែជ័យ ខេត្តកំពង់ស្ពឺ ដោយចំណាយថវិកាសរុបចំនួន៩៤៨,០០០រៀល។

សកម្មភាពមនុស្សធម៌ដ៏ថ្លៃថ្នូរនេះ បានធ្វើឡើងក្រោមការ ចង្អុលបង្ហាញដ៏ខ្ពង់ខ្ពស់ប្រកបដោយគុណធម៌របស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការ កងរាជអាវុធហត្ថ លើផ្ទៃប្រទេស ព្រមទាំងមានការណែនាំដោយផ្ទាល់ពី ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ។

នៅថ្ងៃពុធ ទី១៣ ខែឧសភា ឆ្នាំ២០២៦ លោកឧត្តម សេនីយត្រី ម៉េង ស៊្រុន បានដឹកនាំក្រុមការងារកងរាជអាវុធហត្ថ ខេត្តកំពង់ស្ពឺ សហការជាមួយក្រុមការងារសហភាពសហព័ន្ធ យុវជនកម្ពុជាខេត្ត ក្រុមស្ម័គ្រចិត្តកាកបាទក្រហមខេត្ត និង អាជ្ញាធរក្រុងឧដុង្គម៉ែជ័យ មានជីវភាពខ្វះខាត និងកំពុងជួបការលំបាកក្នុងជីវភាពរស់នៅប្រចាំថ្ងៃ។ ចុះសួរសុខទុក្ខប្រជាពលរដ្ឋដែលគ្រួសារទី១ មានឈ្មោះ លន់ ផុនស្រី អាយុ៨៣ឆ្នាំ រស់នៅភូមិ វិហារខ្ពស់ សង្កាត់វាំងចាស់ និងគ្រួសារទី២ មានប្តីឈ្មោះ រីន វ៉ាន់ដា និងប្រពន្ធឈ្មោះ ហ៊ន សៅឡេង រស់នៅភូមិធ្លាចាស់ សង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ។

ក្នុងឱកាសនោះ លោកឧត្តមសេនីយត្រី ម៉េង ស៊្រុន បាន សំណេះសំណាល សាកសួរសុខទុក្ខដោយភាពស្និទ្ធស្នាល និង សម្តែងនូវការយកចិត្តទុកដាក់ចំពោះសុខទុក្ខប្រជាពលរដ្ឋ ព្រមទាំងបានឧបត្ថម្ភថវិកាចំនួន៣០០,០០០រៀល ក្នុងមួយ គ្រួសារ រួមជាមួយអង្ករ ទឹកបរិសុទ្ធ ទឹកក្រូច ទឹកត្រី ទឹកស៊ីអ៊ីវ និងត្រីខជាច្រើនមុខទៀត។

សកម្មភាពដ៏ប្រពៃនេះ បានឆ្លុះបញ្ចាំងយ៉ាងច្បាស់ពីទឹកចិត្ត មេត្តាធម៌ ការយកចិត្តទុកដាក់ និងការចែករំលែកក្តីស្រឡាញ់របស់ថ្នាក់ដឹកនាំកងរាជអាវុធហត្ថខេត្តកំពង់ស្ពឺ ចំពោះ ប្រជាពលរដ្ឋដែលកំពុងជួបការខ្វះខាត។ ជាពិសេសបានបង្ហាញឱ្យឃើញពីគំរូដឹកនាំល្អ ដែលតែងតែនៅក្បែរ ប្រជាពលរដ្ឋ មិនថាក្នុងកាលៈទេសៈណានោះឡើយ។

គួរបញ្ជាក់ថា លោកឧត្តមសេនីយត្រី ម៉េង ស៊្រុន តែងតែចូលរួមសកម្មភាពមនុស្សធម៌ជាបន្តបន្ទាប់ តាមរយៈការបរិច្ចាគថវិកា ផ្ទាល់ខ្លួន ចែករំលែកស្បៀងអាហារ សម្លៀកបំពាក់ សម្ភារៈ ប្រើប្រាស់ និងជួយសាងសង់ទីជម្រកជូនប្រជាពលរដ្ឋក្រីក្រ នៅក្នុងខេត្តកំពង់ស្ពឺ និងបណ្តាខេត្តផ្សេងៗទៀត ដោយបាន បន្សល់ទុកនូវក្តីស្រឡាញ់ សាមគ្គីភាព និងភាពកក់ក្តៅក្នុង សង្គមយ៉ាងប្រសើរ៕