លោកឧត្តមសេនីយ៍មេបញ្ជាការ ម៉េង ស្រ៊ុន បានទទួលភេសជ្ជៈ ៥០០កេះ ពីការឧបត្ថម្ភរបស់អ្នកឧកញ៉ា លាង ឃុន ជូនកងរាជអាវុធហត្ថខេត្តកំពង់ស្ពឺ អបអរសាទរបុណ្យចូលឆ្នាំថ្មី

(កំពង់ស្ពឺ)៖ ក្នុងឱកាសអបអរសាទរ​ពិធីបុណ្យចូលឆ្នាំថ្មីប្រពៃណីជាតិខ្មែរ ខាងមុខនេះ អ្នកឧកញ៉ា លាង ឃុន បានបង្ហាញពីចិត្តសប្បុរសធម៌ ដោយឧបត្ថម្ភទឹកសុទ្ធ ទឹកក្រូច និងភេសជ្ជៈសរុបចំនួន ៥០០ កេះ ជូនដល់បញ្ជាការដ្ឋានកងរាជអាវុធហត្ថខេត្តកំពង់ស្ពឺ។

ពិធីប្រគល់ទទួលនេះ បានប្រព្រឹត្តទៅនៅថ្ងៃសៅរ៍ ទី៤ ខែមេសា ឆ្នាំ២០២៦ ក្រោមការរៀបចំរបស់ក្រុមការងារកងរាជអាវុធហត្ថខេត្តកំពង់ស្ពឺ តាមការបញ្ជារបស់លោកឧត្តមសេនីយ៍ត្រី ម៉េង ស្រ៊ុន មេបញ្ជាការ ដោយមានតំណាងរបស់លោកអ្នកឧកញ៉ា លាង ឃុន នាំយកសម្ភារៈទាំងនេះមកប្រគល់ជូនដោយកិត្តិយស។

សកម្មភាពឧបត្ថម្ភនេះ គឺជាការចូលរួមចំណែកដ៏មានតម្លៃ ក្នុងការលើកទឹកចិត្ត និងគាំទ្រដល់កម្លាំងកងរាជអាវុធហត្ថ ដែលកំពុងបំពេញភារកិច្ចថែរក្សាសន្តិសុខ សុវត្ថិភាពសង្គម ជាពិសេសក្នុងអំឡុងពេលពិធីបុណ្យប្រពៃណីជាតិ ដែលមានសារៈសំខាន់ចំពោះប្រជាជនកម្ពុជា។

ក្នុងឱកាសនេះផងដែរ តាមរយៈក្រុមការងារ លោកឧត្តមសេនីយ៍ត្រី ម៉េង ស្រ៊ុន បានថ្លែងអំណរគុណយ៉ាងជ្រាលជ្រៅជូនចំពោះលោកអ្នកឧកញ៉ា លាង ឃុន ដែលតែងតែយកចិត្តទុកដាក់ និងគាំទ្រដល់អង្គភាពជាបន្តបន្ទាប់ មិនត្រឹមតែពេលបច្ចុប្បន្នប៉ុណ្ណោះទេ ប៉ុន្តែរួមទាំងកន្លងមកផងដែរ។

ជាមួយគ្នានេះ ក៏បានផ្ញើសារជូនពរ​ដល់លោកអ្នកឧកញ៉ា លាង ឃុន និងក្រុមគ្រួសារ ព្រមទាំងបុគ្គលិកទាំងអស់ សូមឲ្យទទួលបានសុខភាពល្អបរិបូរណ៍ អាយុយឺនយូរ សុភមង្គលក្នុងគ្រួសារ និងជោគជ័យគ្រប់ភារកិច្ច ព្រមទាំងសូមឲ្យឆ្នាំថ្មីនេះនាំមកនូវសំណាងល្អ និងភាពរីកចម្រើនជានិរន្តរ៍៕